കണ്ണൂര്: കണ്ണൂര് ന്യൂമാഹി പുന്നോലില് സ്വകാര്യ ബസുകള് കൂട്ടിയിടിച്ച് 30 ഓളം പേര്ക്ക് പരുക്ക്. കണ്ണൂരില് നിന്ന് കോഴിക്കോട്ടേക്ക് പോകുന്ന ബസും കോഴിക്കോട് നിന്ന് കണ്ണൂരിലേക്ക് പോകുന്ന ബസും തമ്മിലാണ് കൂട്ടിയിടിച്ചത്. ഓവര്ടേക്ക് ചെയ്യുന്നതിനിടെയാണ് അപകടം. പരുക്കേറ്റവരെ തലശ്ശേരിയിലെ വിവിധ ആശുപത്രികളിലേക്ക് മാറ്റി.
അപകടത്തില്പ്പെട്ട ബസിന്റെ മുന്ഭാഗം തകര്ന്നതിനെ തുടര്ന്ന് ഫയര്ഫോഴ്സും നാട്ടുകാരും ചേര്ന്ന് ഭാഗങ്ങള് കുത്തിപ്പൊളിച്ചാണ് യാത്രക്കാരെ പുറത്തെടുത്തത്. അപകടത്തില് പരുക്കേറ്റ ആരുടേയും നില ഗുരുതരമല്ല.
SUMMARY: Accident involving collision between private buses in Kannur; several injured
