ബെംഗളൂരു: പൊതുജനാരോഗ്യം മുൻനിർത്തി സംസ്ഥാനത്ത് ഗുട്ക, പാൻ മസാല, പുകയില-നിക്കോട്ടിൻ ഉൽപ്പന്നങ്ങൾ എന്നിവയുടെ വിൽപ്പനയ്ക്കും വിതരണത്തിനും ഒരു വർഷത്തേക്ക് നിരോധനം ഏർപ്പെടുത്തി കർണാടക സർക്കാർ. കർണാടക ഭക്ഷ്യസുരക്ഷാ കമ്മിഷണറുടെ ഓഫീസ് പുറപ്പെടുവിച്ച ഉത്തരവിലാണ് സംസ്ഥാനത്തുടനീളം നിരോധനം ഏർപ്പെടുത്തിയത്. 2006 ലെ ഭക്ഷ്യസുരക്ഷാ-മാനദണ്ഡ നിയമവും 2011ലെ ഭക്ഷ്യസുരക്ഷാ-മാനദണ്ഡ (വിൽപ്പനയിലെ നിരോധനവും നിയന്ത്രണങ്ങളും) ചട്ടങ്ങളും പ്രകാരമാണ് നടപടി.
The Office of the Commissioner of Food Safety, Karnataka, has banned the manufacture, storage, distribution, transportation, and sale of gutkha and pan masala containing tobacco and/or nicotine across the state for a period of one year, citing public health concerns. pic.twitter.com/VUIOSMUJy4
— ANI (@ANI) August 12, 2026
പുകയില, നിക്കോട്ടിൻ എന്നിവ അടങ്ങിയ ഗുഡ്ക, പാൻ മസാല, മറ്റ് നിരോധിത ഉൽപ്പന്നങ്ങൾ എന്നിവയുടെ നിർമ്മാണം, സംഭരണം, ഗതാഗതം, വിതരണം, വിൽപ്പന എന്നിവയ്ക്കെതിരെ ഭക്ഷ്യസുരക്ഷാ വിഭാഗം കർശന നടപടികൾ ആരംഭിച്ചിട്ടുണ്ട്. ഭക്ഷ്യസുരക്ഷാ ഉദ്യോഗസ്ഥരുടെ നേതൃത്വത്തിൽ സംസ്ഥാനത്തുടനീളം പ്രത്യേക പരിശോധനകളും റെയ്ഡുകളും പുരോഗമിക്കുകയാണ്.
നിരോധിത ഉൽപ്പന്നങ്ങളുടെ നിർമ്മാണവും വിൽപ്പനയും ശ്രദ്ധയിൽപ്പെട്ടാൽ അധികൃതരെ വിവരമറിയിക്കണമെന്ന് അധികൃതർ പൊതുജനങ്ങളോട് അഭ്യർത്ഥിച്ചു. ലഹരിമുക്തവും ആരോഗ്യപൂർണ്ണവുമായ കർണാടക സൃഷ്ടിക്കാൻ എല്ലാവരും സഹകരിക്കണമെന്നും സർക്കാർ പത്രക്കുറിപ്പിൽ വ്യക്തമാക്കി.
ഫുഡ് സേഫ്റ്റി ആൻഡ് സ്റ്റാൻഡേർഡ്സ് ആക്ട് 2006, 2011 ലെ ഫുഡ് സേഫ്റ്റി ആൻഡ് സ്റ്റാൻഡേർഡ്സ് റെഗുലേഷൻ എന്നിവ മുൻനിർത്തി ഓഗസ്റ്റ് 10 നാണ് ഉത്തരവിറക്കിയത്. ഉത്തരവ് പുറപ്പെടുവിച്ച തീയതി മുതൽ ഒരു വർഷത്തേക്ക് സംസ്ഥാനത്തുടനീളം നിരോധനം പ്രാബല്യത്തിലുണ്ടാകും.
SUMMARY: Karnataka bans gutka, tobacco-laced pan masala products; ban extended for one year
