തിരുവനന്തപുരം: നടൻ ദുല്ഖർ സല്മാന്റെ ഒരു കാർ കൂടെ കസ്റ്റംസ് പിടിച്ചെടുത്തു. ഭൂട്ടാനില് നിന്ന് അനധികൃതമായി വാഹനങ്ങള് ഇന്ത്യയിലേക്ക് കടത്തുന്നതിനെതിരെയുള്ള ഓപ്പറേഷൻ നുംഖോറിന്റെ ഭാഗമായാണ് വാഹനം പിടിച്ചെടുത്തത്. ദുല്ഖർ നായകനായ ലക്കി ഭാസ്കർ എന്ന ചിത്രത്തില് ഉപയോഗിച്ച നിസാൻ പട്രോള് കാറാണ് പിടിച്ചെടുത്തതെന്ന് കസ്റ്റംസ് അറിയിച്ചു.
കൊച്ചി കളമശ്ശേരിയിലെ സിഗ്നേച്ചർ കാർസ് എന്ന ഷോറൂമില് നിന്നാണ് കാർ പിടിച്ചെടുത്തത്. ഭൂട്ടാൻ/നേപ്പാള് അതിർത്തി വഴി ഇന്ത്യയിലേക്ക് കടത്തിയതാണ് ഈ നിസാൻ പട്രോള് എന്ന സംശയത്തിന്റെ പേരിലാണ് വാഹനം പിടികൂടിയത്. ഇക്കാര്യത്തില് കൂടുതല് അന്വേഷണം നടത്തി വരികയാണെന്നും കസ്റ്റംസ് അറിയിച്ചു. ഓപ്പറേഷൻ നുംഖോറിന്റെ ഭാഗമായി കഴിഞ്ഞദിവസം കേരളത്തിന്റെ വിവിധ ഭാഗങ്ങളില് നിന്ന് ഏഴ് വാഹനങ്ങള് പിടിച്ചെടുത്തുവെന്നും കസ്റ്റംസ് കൂട്ടിച്ചേർത്തു.
SUMMARY: Operation Namkhor; Another car belonging to Dulquer Salmaan seized
