തിരുവനന്തപുരം: സംസ്ഥാനത്ത് മില്‍മ പാല്‍ വില വർധന പ്രാബല്യത്തിലേക്ക്. മെയ് 21 വ്യാഴ്ച മുതല്‍ പുതുക്കിയ വില നിലവില്‍ വരും. ലിറ്ററിന് നാല് രൂപ വർധിപ്പിക്കാനാണ് തീരുമാനം. ബുധനാഴ്ച ചേരുന്ന ഡയറക്ടർ ബോർഡ് യോഗത്തില്‍ പുതിയ നിരക്കിന് അംഗീകാരം നല്‍കും. ഏറെ നാളത്തെ ചർച്ചകള്‍ക്കൊടുവിലാണ് മില്‍മ പാല്‍ വില വർധിപ്പിക്കുന്നത്.
ഏപ്രിലില്‍ ചേർന്ന യോഗത്തില്‍ നിയമസഭാ തിരഞ്ഞെടുപ്പ് ഫലപ്രഖ്യാപനത്തിന് ശേഷം വില വർധിപ്പിക്കാൻ തീരുമാനിച്ചിരുന്നു. സർക്കുലർ റെസല്യൂഷൻ വഴി വില വർധന പാസാക്കാൻ നേരത്തെ ശ്രമിച്ചിരുന്നെങ്കിലും ബോർഡ് അംഗങ്ങളിലെ എട്ട് പേർ മാത്രമാണ് ഉത്തരവില്‍ ഒപ്പിട്ടത്. 18 അംഗങ്ങളുള്ള ഡയറക്ടർ ബോർഡിലെ 8 പേർ മാത്രമാണ് സർക്കുലറില്‍ ഒപ്പിട്ടത്.
ഭൂരിപക്ഷം അംഗങ്ങളും ഇതില്‍ നിവിട്ടുനില്‍ക്കുകയും കൃത്യമായി ബോർഡ് യോഗം വിളിച്ച്‌ ചേർത്ത് കാര്യങ്ങള്‍ ചർച്ച ചെയ്ത് വിലവർധനയ്ക്ക് അംഗീകാരം നല്‍കണമെന്ന് ആവശ്യപ്പെടുകയുമായിരുന്നു. വില വർധിപ്പിക്കുന്നതിലൂടെ ലഭിക്കുന്ന അധിക തുകയുടെ സിംഹഭാഗവും ക്ഷീരകർഷകർക്ക് തന്നെ ലഭിക്കുമെന്നതാണ് ഈ തീരുമാനത്തിന്റെ പ്രധാന സവിശേഷത.
SUMMARY: Milma milk price hike effective from Thursday; will increase by Rs 4 per liter
