ബെംഗളൂരു – മംഗളൂരു വന്ദേ ഭാരത് ഉടനെയെന്ന് റെയിൽവേ മന്ത്രി

ബെംഗളൂരു: ബെംഗളൂരുവിനും മംഗളൂരുവിനും ഇടയിൽ വന്ദേ ഭാരത് ട്രെയിൻ സർവീസ് ഉടൻ ആരംഭിക്കുമെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ്. കർണാടകയിലെ പ്രധാന വാണിജ്യ നഗരങ്ങളായ ബെംഗളൂരുവിനെയും മംഗളൂരുവിനെയും ബന്ധിപ്പിക്കുന്ന സെമി-ഹൈ-സ്പീഡ് ട്രെയിൻ ഇത് സൗത്ത് വെസ്റ്റ് റെയിൽവേ (SWR) സോണിന്റെ കീഴിലായിരിക്കും പ്രവർത്തിക്കുകഎന്നും അദ്ദേഹം പറഞ്ഞു ബെംഗളൂരുവിൽ ഒരു വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.

കർണാടകയിലെ ഇലക്ട്രിഫിക്കേഷൻ പൂര്‍ത്തായാകാൻ വൈകിയ സുപ്രധാന പാതയായിരുന്നു ബെംഗളൂരു – മംഗളൂരു പാത. ഭൂമിശാസ്ത്രപരമായ സങ്കീർണതകൾ മൂലം വൈകിയ ഈ പ്രവൃത്തികൾ ഇതിനകം പൂർത്തിയാക്കപ്പെട്ടിട്ടുണ്ട്. ഇലക്ട്രിഫിക്കേഷൻ ജോലികൾ പൂർത്തിയാക്കിയ ശേഷം സുരക്ഷാ സർട്ടിഫിക്കേഷനുകൾക്ക് കാക്കുകയാണ് ഈ പാത. ഈ സർട്ടിഫിക്കേഷനുകൾ ലഭിച്ച ഉടൻ പാതയിലൂടെ വന്ദേ ഭാരത് ഓടുമെന്ന് റെയിൽവേ മന്ത്രി അശ്വിനി വൈഷ്ണവ് പറഞ്ഞു.

ബെംഗളൂരുവിനും മുംബൈയ്ക്കുമിടയിൽ ഒരു പ്രീമിയം ട്രെയിൻ ഉടൻ സർവീസ് ആരംഭിക്കുമെന്നും പൂനെ-ബെംഗളൂരു റെയിൽ ഇടനാഴിക്കായുള്ള അഭ്യർത്ഥന പരിഗണിക്കുമെന്നും അദ്ദേഹം അറിയിച്ചു.ബെംഗളൂരു-ചെന്നൈ ഹൈ-സ്പീഡ് ഇടനാഴി നടപ്പിലാക്കിക്കഴിഞ്ഞാൽ, രണ്ട് നഗരങ്ങൾക്കിടയിലുള്ള യാത്രാ സമയം 73 മിനിറ്റായിരിക്കുമെന്നും അദ്ദേഹം പറഞ്ഞു.
SUMMARY: Bengaluru-Mangalore Vande Bharat soon, says Railway MinisterBengaluru-Mangalore Vande Bharat soon, says Railway Minister