ബെംഗളൂരുവിൽ ബെസ്കോം വൈദ്യുതിനിരക്ക് വർധിപ്പിച്ചു

ബെംഗളൂരു: ബെംഗളൂരുവിൽ ബെസ്കോം വൈദ്യുതിനിരക്ക് വർധിപ്പിച്ചു.  മേയ് ഒന്നു മുതൽ യൂണിറ്റിന് 56 പൈസ കൂടും. കഴിഞ്ഞവർഷം ബെസ്കോമിനുണ്ടായ 2,068 കോടി രൂപയുടെ വരുമാന നഷ്ടം നികത്താനാണു കർണാടക ഇലക്ട്രിസിറ്റി റഗുലേറ്ററി കമ്മിഷൻ (കെഇആർസി) അനുമതിയോടെ ചാർജ് ഉയർത്തിയത്.

ഇതോടെ 2024-25-ൽ ഉപയോഗിച്ച ഓരോയൂണിറ്റിനും ഉപഭോക്താക്കൾ 56 പൈസ അധികച്ചാർജ് നൽകേണ്ടിവരും. 2027 ഏപ്രിൽ 30 വരെ അധിക ചാർജ് ഈടാക്കും.

മൈസൂരുവിൽ ചാമുണ്ഡേശ്വരി ഇലക്ട്രിസിറ്റി സപ്ലൈ കമ്പനി സമാനരീതിയിൽ യൂണിറ്റിനു 15 പൈസ ഉയർത്തും. 121.71 കോടി രൂപയുടെ നഷ്ടം നികത്താനാണിത്. സർക്കാരിന്റെ ക്ഷേമ പദ്ധതിയിൽ ഉൾപ്പെടെ ഗൃഹജ്യോതി പ്രകാരം ഗാർഹിക ഉപഭോക്താക്കൾക്ക് 200 യൂണിറ്റ് സൗജന്യ വൈദ്യുതി തുടരും.
SUMMARY: BESCOM increases electricity tariffs in Bengaluru