തിരുവനന്തപുരം: കെപിസിസിയുടെയും പോഷക സംഘടനകളുടെയും രാഷ്ട്രീയ പഠന ക്ലാസുകൾക്കും സെമിനാറുകൾക്കുമായി കോൺഗ്രസ് നെയ്യാർ ഡാമിൽ സ്ഥാപിച്ച ‘രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ഡെവലപ്മെൻറ് സ്റ്റഡീസിൽ’ (RGIDS) ബിജെപി പഠന ശിബിരം നടത്തിയതില് വിശദീകരണം തേടി കെപിസിസി. സ്ഥാപനത്തിന്റെ ചുമതലയുള്ള കെപിസിസി ജനറല് സെക്രട്ടറിയോടാണ് വിശദീകരണം തേടിയത്.
ബിജെപി കാട്ടാക്കട നിയോജക മണ്ഡലത്തിൻ്റെ ‘ദീനദയാൽ ഉപാധ്യായ പഠന ശിബിരം’. കോൺഗ്രസിൻ്റെ സമുന്നത നേതാക്കൾ നയിച്ചിരുന്ന, നിലവിൽ സണ്ണി ജോസഫ് ചെയർമാനായ ഈ കോൺഗ്രസ് പഠന ഗവേഷണ കേന്ദ്രത്തിലാണ് കഴിഞ്ഞ ദിവസം നടന്നത്. സാധാരണ മറ്റ് രാഷ്ട്രീയ പാര്ട്ടികളുടെ പരിപാടികള്ക്കൊന്നും ഇത്തരത്തില് ഹാള് വിട്ടുകൊടുക്കുന്നതല്ല. കെപിസിസിയുടെ സ്ഥാന നേതാക്കളുടെ മേല്നോട്ടത്തില് ബിജെപിയുടെ നേതൃത്വത്തിലുള്ള പഠന ക്യാമ്പ് നടന്നതാണ് വിവാദമായത്. അണികളുടെ കടുത്ത പ്രതിഷേധത്തെ തുടര്ന്നാണ് കെപിസിസി ജനറല് സെക്രട്ടറി ഔദ്യോഗികമായി വിശദീകരണം തേടിയത്. എന്നാല് സ്വകാര്യ ആവശ്യങ്ങള്ക്ക് ഹാള് വാടകയ്ക്കു നല്കാറുണ്ടെന്നാണ് ചുമതലക്കാര് നല്കിയ വിശദീകരണം.
SUMMARY: BJP study camp held in Congress hall; KPCC seeks explanation
