കണ്ണൂർ: കണ്ണവം മേഖലയില്‍ രണ്ടിടങ്ങളിലായി റോഡില്‍ സ്റ്റീല്‍ ബോംബ് സ്ഫോടനം. കണ്ണവം റേഞ്ച് ഫോറസ്റ്റ് ഓഫീസിന് സമീപവും ചുണ്ടയിലുമാണ് സംഭവം. സ്‌ഫോടനത്തില്‍ ആളപായമില്ലെന്നാണ് പ്രാഥമിക വിവരം. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.
ഇന്ന് രാവിലെയാണ് രണ്ട് കേന്ദ്രങ്ങളിലായി സ്ഫോടനം നടന്നതിന്റെ ലക്ഷണങ്ങളും അവശിഷ്ടങ്ങളും കണ്ടെത്തിയത്. റോഡില്‍ സ്റ്റീല്‍ ബോംബ് എറിഞ്ഞ് പൊട്ടിച്ച നിലയിലാണ് കാണപ്പെട്ടത്. സ്‌ഫോടനത്തിന്റെ പ്രകമ്പനത്തില്‍ റോഡില്‍ കുഴി രൂപപ്പെടുകയും റേഞ്ച് ഫോറസ്റ്റ് ഓഫീസിന് സമീപത്തെ കെട്ടിടത്തിന്റെ ചില്ലുകള്‍ തകരുകയും ചെയ്തിട്ടുണ്ട്.
SUMMARY: Bomb explosions at two locations in Kannavam, Kannur
