തിരുവനന്തപുരം: പിഎസ്‌സി പരീക്ഷ ക്രമക്കേടില്‍ ചെയർമാൻ എം.ആർ ബൈജുവിന് നോട്ടീസ് അയച്ച്‌ ക്രൈബ്രാഞ്ച്. ബുധനാഴ്ച ചോദ്യം ചെയ്യാൻ ഹാജരാകണമെന്ന് കാട്ടിയാണ് നോട്ടീസ് നല്‍കിയത്. എം ആർ ബൈജുവിന് നോട്ടീസയച്ച്‌ ക്രൈംബ്രാഞ്ച്. ഇന്ന് രണ്ട് പിഎസ്‌സി അംഗങ്ങളെ ചോദ്യം ചെയ്യുന്നുണ്ട്. ഇതിന് പിന്നാലെയാണ് പിഎസ്‌സി ചെയർമാന് നോട്ടീസയച്ചിരിക്കുന്നത്. ആസൂത്രണ ബോർഡിന്റെ അഭിമുഖം നടത്തിയതില്‍ ഉള്‍പ്പെടെ എംആർ ബൈജു ഭാഗമായിരുന്നു.
ഇതിനിടെ, പിഎസ്‌സി ഇന്ന് യോഗം ചേർന്നിരുന്നു. നിയമനടപടികള്‍ എന്തുതന്നെയായാലും കാത്തിരുന്ന് കാണാം എന്ന നിലപാടിലാണ് അംഗങ്ങള്‍. ചെയർമാൻ ഉള്‍പ്പെടെ എല്ലാ അംഗങ്ങളെയും പുറത്താക്കണമെന്ന് രാഷ്‌ട്രപതിക്ക് മുൻ ഗവർണർ രാജേന്ദ്ര ആർലേക്കർ നല്‍കിയ ശുപാർശയും യോഗത്തില്‍ ചർച്ചയായി. കേസില്‍ എം ആർ ബൈജുവിനെ കൂടാതെ, പിഎസ്‌സി മുൻ ഡെപ്യൂട്ടി സെക്രട്ടറി പി സതീഷ്, അഡീഷണല്‍ സെക്രട്ടറി ആർ ഹരി എന്നിവരെ ക്രൈംബ്രാഞ്ച് പ്രതിചേർത്തിട്ടുണ്ട്.
അതേസമയം, ആർലേക്കറുടെ നടപടി നിയമസഭയില്‍ ചർച്ച ചെയ്യാൻ പ്രതിപക്ഷ നേതാവ് പിണറായി വിജയൻ നോട്ടീസ് നല്‍കിയെങ്കിലും സ്‌പീക്കർ അനുവദിച്ചില്ല. രാഷ്‌ട്രപതി, ഗവർണർ തുടങ്ങി ഉന്നത പദവിയിലിരിക്കുന്നവരെക്കുറിച്ച്‌ ചർച്ച ചെയ്യാൻ സഭാചട്ടം അനുവദിക്കുന്നില്ലെന്ന് സ്‌പീക്കർ തിരുവഞ്ചൂർ രാധാകൃഷ്‌ണൻ റൂളിംഗ് നല്‍കി.
SUMMARY: Must appear for questioning on Wednesday; Crime Branch sends notice to PSC Chairman
