ഉപതിരഞ്ഞെടുപ്പ്; ബാഗൽക്കോട്ടിൽ പോളിങ് 65.68%, ദാവനഗെരെയിൽ 63.04%

ബെംഗളൂരു: കര്‍ണാടകയില്‍ ഉപതിരഞ്ഞെടുപ്പു നടന്ന ബാഗൽക്കോട്ടിൽ 65.68%, ദാവനഗെരെ സൗത്തിൽ 63.04% പോളിങ് രേഖപ്പെടുത്തി. വോട്ടെടുപ്പ് പൊതുവേ സമാധാനാപരമായിരുന്നു.

കോൺഗ്രസിന്റെ സിറ്റിങ് സീറ്റുകളിലേക്കാണ് രണ്ട് മണ്ഡലത്തിലും മത്സരം. ബാഗൽക്കോട്ടിൽ കോൺഗ്രസിന്റെ ഉമേഷ് മേട്ടിയും ബിജെപിയുടെ വീരണ്ണ ചരന്തിമഠും ദാവനഗെരെ സൗത്തിൽ കോൺഗ്രസിന്റെ സമർഥ് മല്ലികാർജുനും ബിജെപിയുടെ ശ്രീനിവാസ് ടി.ദാസ കരിയപ്പയുമാണു പ്രധാന മത്സരം.രണ്ടിടത്തും കോൺഗ്രസിന്റെ സിറ്റിങ് എം.എൽ.എ.മാരുടെ നിര്യാണമാണ് ഉപതിരഞ്ഞെടുപ്പിന് കളമൊരുക്കിയത്.
SUMMARY: By-elections; 65.68% polling in Bagalkot, 63.04% in Davanagere