കൊച്ചി: നടി ശ്വേതാ മേനനോനെതിരെ കേസ്. സാമ്പത്തിക ലാഭത്തിന് വേണ്ടി അശ്ലീല രംഗങ്ങളില് അഭിനയിച്ചെന്ന പരാതിയില് എറണാകുളം സെൻട്രല് പോലീസാണ് കേസെടുത്തിരിക്കുന്നത്. ഐടി നിയമത്തിലെ 67 പ്രകാരമാണ് കേസെടുത്തിരിക്കുന്നത്. അശ്ലീല ദൃശ്യങ്ങള് സോഷ്യല് മീഡിയയിലൂടെ പ്രചരിപ്പിച്ചെന്നും എഫ്ഐആറില് പറയുന്നു.
അനാശാസ്യ നിയമപ്രകാരവും കേസെടുത്തിട്ടുണ്ട്. ശ്വേത അഭിനയിച്ച ഗർഭനിരോധന ഉറയുടെ പരസ്യവും രതിനിർവേദം, പാലേരിമാണിക്യം, കളിമണ്ണ് തുടങ്ങിയ സിനിമകളുമാണ് പരാതിക്കാരൻ അശ്ലീലരംഗങ്ങളായി പരാതിയില് ഉന്നയിച്ചിട്ടുള്ളത്. മാർട്ടിൻ മെനാച്ചേരി എന്നയാളുടെ പരാതിയില് എറണാകുളം സിജെഎം കോടതിയുടെ നിർദേശത്തെ തുടർന്നാണ് നടപടി.
പ്രതി സാമ്പത്തിക ലാഭത്തിനുവേണ്ടി ഗൂഢ ഉദ്ദേശ്യത്തോടെ സിനിമയിലും പരസ്യങ്ങളിലും ഉള്പ്പെടെ നഗ്നത പ്രദർശിപ്പിച്ച് അഭിനയിച്ചു. സോഷ്യല് മീഡിയയിലൂടെയും പോണ് സൈറ്റുകളിലൂടെയും ദൃശ്യങ്ങള് പ്രചരിപ്പിച്ച് വരുമാനം നേടി തുടങ്ങിയ ആരോപണങ്ങളാണ് പോലീസ് എഫ്ഐആറില് രേഖപ്പെടുത്തിയിരിക്കുന്നത്.
SUMMARY: ‘Acted in obscene scenes’; Case filed against actress Shweta Menon
