കാസറഗോഡ്: ട്രെയിനില് സ്ത്രീകളോട് അപമര്യാദയായി പെരുമാറിയെന്ന പരാതിയില് കാസറഗോഡ് ഡിഎഫ്ഒ ജോസ് മാത്യുവിനെതിരെ റെയില്വേ പോലീസ് കേസെടുത്തു. ഓഖാ എക്സ്പ്രസില് ഇന്നലെ വൈകീട്ടായിരുന്നു സംഭവം. കാസറഗോഡ് റെയില്വേ പോലീസാണ് കേസെടുത്തത്. സ്ത്രീകള്ക്ക് നേരെ ജോസ് മാത്യു ലൈംഗിക ചേഷ്ടകള് കാണിച്ചെന്നാണ് പരാതി.
യാത്രയ്ക്കിടെ അതിക്രമം നേരിട്ട ഉടൻ തന്നെ സ്ത്രീകള് പോലീസ് കണ്ട്രോള് റൂമില് വിവരമറിയിക്കുകയായിരുന്നു. പരാതി ലഭിച്ചതിനെ തുടർന്ന് കാസറഗോഡ് പോലീസ് സ്ഥലത്തെത്തി പ്രാഥമിക വിവരങ്ങള് ശേഖരിക്കുകയും കേസ് രജിസ്റ്റർ ചെയ്യുകയും ചെയ്തു. സംഭവത്തില് ഉദ്യോഗസ്ഥനെ അറസ്റ്റ് ചെയ്യുന്നത് അടക്കമുള്ള തുടർനടപടികളിലേക്ക് പോലീസ് കടക്കുമെന്നാണ് ലഭിക്കുന്ന വിവരം.
SUMMARY: Case registered against Kasaragod DFO for behaving indecently towards women on a train
