കോട്ടയം: ആദ്യ മണിക്കൂറില് ലീഡില് കുതിച്ച് ചാണ്ടി ഉമ്മൻ മുന്നേറുകയാണ്. 7500 വോട്ടുകള് നേടി മുന്നേറുന്നു. ചാണ്ടി ഉമ്മന്റെ ലീഡ് ഇരുപതിനായിരം കടന്നിരിക്കുകയാണ്. ആകെ 15 റൗണ്ടുകളില് ആറ് റൗണ്ടുകള് വോട്ടെണ്ണി തീർത്തപ്പോഴാണ് ചാണ്ടി ഉമ്മൻ 21691 വോട്ടിന്റെ കൂറ്റൻ ലീഡ് നിലയിലേക്ക് എത്തിയിരിക്കുന്നത്.
മണ്ഡലത്തിന്റെ ചരിത്രത്തിലെ തന്നെ ഏറ്റവും വലിയ വിജയത്തിലേക്കാണ് ചാണ്ടി ഉമ്മൻ കുതിക്കുന്നത്. 1970 മുതല് 2023 വരെ തുടർച്ചയായി 53 വർഷം പുതുപ്പള്ളിയെ പ്രതിനിധീകരിച്ച ഉമ്മൻ ചാണ്ടിയുടെ വേർപാടിന് ശേഷം നടക്കുന്ന തിരഞ്ഞെടുപ്പിലും മണ്ഡലം യുഡിഎഫിനൊപ്പം ഉറച്ചുനില്ക്കുന്ന കാഴ്ചയാണ് ദൃശ്യമാകുന്നത്. 2011-ല് സുജ സൂസൻ ജോർജിനെതിരെ ഉമ്മൻ ചാണ്ടി നേടിയ 33,255 വോട്ടുകളുടെ റെക്കോർഡ് ഭൂരിപക്ഷമായിരുന്നു പുതുപ്പള്ളിയിലെ ഇതുവരെയുള്ള ഏറ്റവും ഉയർന്ന നില.
ആദ്യ ഘട്ടത്തിലെ ട്രെൻഡുകള് സൂചിപ്പിക്കുന്നത് ചാണ്ടി ഉമ്മൻ തന്റെ പിതാവിന്റെ റെക്കോർഡ് തിരുത്തിക്കുറിച്ചുകൊണ്ട് 37,000-ത്തിന് മുകളില് ഭൂരിപക്ഷം നേടുമെന്നാണ്. കഴിഞ്ഞ മൂന്ന് തവണയും ഉമ്മൻ ചാണ്ടിയോട് നേരിട്ട് ഏറ്റുമുട്ടിയ ജെയ്ക്ക് സി. തോമസ് തന്നെയാണ് ഇത്തവണയും എല്ഡിഎഫ് സ്ഥാനാർത്ഥി. 2021-ല് ഉമ്മൻ ചാണ്ടിയുടെ ഭൂരിപക്ഷം ഒമ്പതിനായിരത്തിലേക്ക് കുറയ്ക്കാൻ ജെയ്ക്കിന് സാധിച്ചിരുന്നെങ്കിലും, ഇത്തവണ ഉപതിരഞ്ഞെടുപ്പിലെ ആവേശം നിലനിർത്താൻ എല്ഡിഎഫിന് കഴിഞ്ഞില്ല.
SUMMARY: Chandy Oommen clears vote barrier; leads by over 20,000
