ബെംഗളൂരു: കർണാടകയിൽ നേതൃമാറ്റം പാർട്ടി ഹൈക്കമാൻഡ് തീരുമാനിക്കുമെന്ന് വ്യക്തമാക്കി മുഖ്യമന്ത്രി സിദ്ധരാമയ്യ. താനും ഉപമുഖ്യമന്ത്രി ഡി.കെ. ശിവകുമാറും തമ്മിൽ അധികാരം പങ്കിടൽ ധാരണ മുമ്പ് ഉണ്ടായിരുന്നതായും അദ്ദേഹം പറഞ്ഞു. എന്നാൽ ഈ വിഷയത്തിൽ ഔദ്യോഗികമായി തീരുമാനം എടുക്കേണ്ടത് പാർട്ടി ആണെന്നും അദ്ദേഹം പറഞ്ഞു. ആദ്യമായിട്ടാണ് നേതൃമാറ്റ വിഷയത്തിൽ സിദ്ധരാമയ്യ പ്രതികരിക്കുന്നത്.
പാർട്ടി ഹൈക്കമാൻഡാണ് ഇക്കാര്യത്തിൽ തീരുമാനമെടുക്കേണ്ടതെന്നും പാർട്ടി തീരുമാനം എന്ത് തന്നെയായാലും അനുസരിക്കുമെന്നും സിദ്ധരാമയ്യ പറഞ്ഞു. അടുത്തിടെ മുഖ്യമന്ത്രി സ്ഥാനത്ത് താൻ അഞ്ച് വർഷം പൂർത്തിയാക്കുമെന്ന് സിദ്ധരാമയ്യ വ്യക്തമാക്കിയിരുന്നു. ശിവകുമാറിന് പുറമെ, പൊതുമരാമത്ത് മന്ത്രി സതീഷ് ജാർക്കിഹോളിയും മുഖ്യമന്ത്രി സ്ഥാനത്തിന് ആവശ്യമുയർത്തിയിട്ടുണ്ട്. ഇരുനേതാക്കളുടെയും അണികൾ ക്ഷേത്രങ്ങളിൽ പ്രത്യേക പൂജ നടത്തിയിരുന്നു. പിന്നാലെ നേതൃമാറ്റ വിഷയത്തിൽ നേതാക്കൾ ആരും പ്രതികരിക്കരുതെന്ന് പാർട്ടി ഹൈക്കമാൻഡ് കർശന താക്കീത് നൽകിയിരുന്നു.
TAGS: KARNATAKA | SIDDARAMIAH
SUMMARY: Siddaramaiah hints at Karnataka power-sharing pact
WhatsApp
Telegram
