തിരുവനന്തപുരം: ചിറയിൻകീഴിലുണ്ടായ സംഘർഷത്തില് എം.എല്.എ. രമ്യ ഹരിദാസിനും യൂത്ത് കോണ്ഗ്രസ് നേതാവ് സജിത്ത് മുട്ടമ്പലത്തിനും എതിരെ കെ.പി.സി.സി.യുടെ അച്ചടക്ക നടപടി. ഇരുവർക്കും പാർട്ടി നേതൃത്വം താക്കീത് നല്കി. കൂടാതെ, ഇതുമായി ബന്ധപ്പെട്ട കേസുകള് പിൻവലിക്കാൻ രണ്ട് വിഭാഗത്തിനും നിർദ്ദേശം നല്കിയിട്ടുണ്ട്.
ചിറയിൻകീഴിലെ പ്രശ്നങ്ങള് പഠിക്കാൻ എം.എം ഹസൻ അധ്യക്ഷനായ സമിതി സമർപ്പിച്ച അന്വേഷണ റിപ്പോർട്ടിന്റെ അടിസ്ഥാനത്തിലാണ് നടപടി. രമ്യ ഹരിദാസിന് ഗുരുതര വീഴ്ച സംഭവിച്ചുവെന്നും പക്വതയോടെ ഇടപെട്ടില്ലെന്നും റിപ്പോർട്ടില് ചൂണ്ടിക്കാണിച്ചിരുന്നു. തനിക്കെതിരെ അപവാദ പ്രചാരണം ഉണ്ടായപ്പോള് കെ.പി.സി.സിക്ക് പരാതി നല്കുന്നതിന് പകരം വിവാദമുണ്ടാക്കുകയാണ് ചെയ്തതെന്നും സമിതി വിലയിരുത്തി.
സംഭവത്തെത്തുടർന്നുണ്ടായ തമ്മിലടി പാർട്ടിക്ക് കടുത്ത അവമതിപ്പ് ഉണ്ടാക്കിയെന്ന് നേതൃത്വം വിലയിരുത്തി. ചിറയിൻകീഴിലെ പ്രശ്നങ്ങള് പൂർണ്ണമായി പരിഹരിക്കാൻ പാലോട് രവി അധ്യക്ഷനായ പ്രത്യേക സമിതിയെയും നിയോഗിച്ചിട്ടുണ്ട്. എൻ. വിൻസന്റ്, കെ.എസ്. ശബരീനാഥൻ, നെയ്യാറ്റിൻകര സനല് എന്നിവരാണ് സമിതിയിലെ മറ്റ് അംഗങ്ങള്.
SUMMARY: Chirayinkeezhu Scuffle: KPCC Warns Ramya Haridas
