ബെംഗളൂരു: ഉപമുഖ്യമന്ത്രി ജി.പരമേശ്വര, തുമക്കൂരു ജില്ലാ കലക്ടർ ശുഭ കല്യാൺ എന്നിവർക്കെതിരെ അപകീർത്തി വിഡിയോ പ്രചരിപ്പിച്ച കേസില് യുട്യൂബർ അറസ്റ്റിൽ. ഡിറ്റക്ടീവ് ലജൻഡ് എന്ന ചാനലിന്റെ ഉടമ ബ്രഹ്മാനന്ദ റെഡ്ഡിയെയാണു തുമക്കൂരു പോലീസ് പിടികൂടിയത്.
ജൂലൈ 1 നാണു തുമകുരു പോലീസിന്റെ സോഷ്യൽ മീഡിയ മോണിറ്ററിംഗ് സെല്ലിന് 17 മിനിറ്റ് ദൈർഘ്യമുള്ള വീഡിയോയുടെ ലിങ്ക് ലഭിച്ചത്. തുടര്ന്നു സൈബർ സെൽ നടത്തിയ പരിശോധനയിലാണു ബ്രഹ്മാനന്ദ റെഡ്ഡിയാണു വിഡിയോ പ്രചരിപ്പിച്ചതെന്നു കണ്ടെത്തിയത്. ഇയാളുടെ മൊബൈൽ, ലാപ്ടോപ്പ്, മറ്റ് ഇലക്ട്രോണിക് ഉപകരണങ്ങൾ എന്നിവ പിടിച്ചെടുത്തിട്ടുണ്ട്.
SUMMARY: Defamatory video against G. Parameshwara; YouTuber arrested
