കുവൈത്ത് സിറ്റി: പശ്ചിമേഷ്യൻ സംഘർഷം 13-ാം ദിനത്തിലേക്ക് കടക്കുമ്പോള് ഗള്ഫ് മേഖലയില് ഇറാൻ ഡ്രോണ് ആക്രമണം തുടരുന്നു. കുവൈത്ത്, യു എ ഇ, സൗദി അറേബ്യ, ബഹ്റൈൻ എന്നീ രാജ്യങ്ങള്ക്ക് നേരെ ഇന്നും ഡ്രോണ് ആക്രമണങ്ങളുണ്ടായി. മേഖലയിലെ തന്ത്രപ്രധാന കേന്ദ്രങ്ങളെ ലക്ഷ്യം വെച്ചായിരുന്നു നീക്കങ്ങള്.
കുവൈത്ത് അന്താരാഷ്ട്ര വിമാനത്താവളത്തില് ആക്രമണം. കുവൈത്ത് അന്താരാഷ്ട്ര വിമാനത്താവളത്തിന് നേരെ ഇന്ന് ഡ്രോണ് ആക്രമണമുണ്ടായതായി കുവൈത്ത് വാർത്താ ഏജൻസിയെ ഉദ്ധരിച്ച് അല്ജസീറ റിപ്പോർട്ട് ചെയ്തു. ആക്രമണത്തില് നാശനഷ്ടങ്ങള് സംഭവിച്ചിട്ടുണ്ടെങ്കിലും ആളപായമില്ല.
ഇന്ന് പുലർച്ചെ തെക്കൻ കുവൈത്തിലെ ഒരു പാർപ്പിട സമുച്ചയത്തിന് നേരെയും ശത്രു ഡ്രോണ് ആക്രമണമുണ്ടായി. ഇതില് രണ്ട് പേർക്ക് പരിക്കേറ്റതായും കെട്ടിടത്തിന് കേടുപാടുകള് സംഭവിച്ചതായും കുവൈത്ത് പ്രതിരോധ മന്ത്രാലയം അറിയിച്ചു.
SUMMARY: Drone attack attempt targeting Kuwait airport
WhatsApp
Telegram
