കാസറഗോഡ്: കാസർഗോഡ് ജില്ലയിലെ പനത്തടി പാറക്കടവിൽ മകൾക്ക് നേരെ പിതാവിന്റെ ആസിഡ് ആക്രമണം.17 വയസ്സുകാരിയായ മകള്ക്ക് നേരെയാണ് പിതാവ് ആസിഡ് ഒഴിച്ചത്. മകളെ കൂടാതെ സഹോദരന്റെ 10 വയസ്സുള്ള മകള്ക്ക് നേരെയും ഇയാള് ആസിഡ് ഒഴിച്ചു. ആക്രമണത്തില് ഇരുവര്ക്കും ഗുരുതരമായി പൊള്ളലേറ്റു. ഇരുവരെയും ഉടന്തന്നെ ആശുപത്രിയില് പ്രവേശിപ്പിച്ചു.
സംഭവത്തിന് ശേഷം ഒളിവില് പോയ കരിക്ക് സ്വദേശിയായ മനോജിനായി പോലീസ് തിരച്ചില് ഊര്ജിതമാക്കി. ഭാര്യയുമായി പിണങ്ങി കഴിയുകയായിരുന്ന മനോജ്, മകളും ഭാര്യയും സഹോദരന്റെ വീട്ടില് താമസിക്കുന്നതറിഞ്ഞ് അവിടെയെത്തിയാണ് ആക്രമണം നടത്തിയത്. ആസിഡ് ആക്രമണത്തില് മനോജിന്റെ മകള്ക്ക് കൈക്കും കാലിനുമാണ് ഗുരുതരമായി പൊള്ളലേറ്റത്. ഒപ്പം ഉണ്ടായിരുന്ന സഹോദരന്റെ മകള്ക്ക് മുഖത്തും കൈയിലും പൊള്ളലേറ്റിട്ടുണ്ട്.
കുടുംബ പ്രശ്നങ്ങളാണ് ആക്രമണത്തിന് പിന്നിലെന്ന് പൊലീസ് പറഞ്ഞു. കര്ണാടക സ്വദേശിയായ മനോജിനായി പോലീസ് അന്വേഷണം വ്യാപിപ്പിച്ചു. ഇയാള്ക്ക് വേണ്ടിയുള്ള തിരച്ചില് പോലീസ് ശക്തമാക്കിയിട്ടുണ്ട്. ആസിഡ് ആക്രമണത്തിന് പുറമേ കൊലപാതക ശ്രമം, വീട്ടില് അതിക്രമിച്ച് കയറല് എന്നീ വകുപ്പുകളാണ് രാജപുരം പോലീസ് മനോജിനെതിരെ ചുമത്തിയിട്ടുണ്ട്.
SUMMARY: Father’s acid attack on daughter; 17-year-old and nephew’s daughter seriously burned
