കാസറഗോഡ്: കാസറഗോഡ് കുമ്പളയില് പ്രതിശ്രുത വരന്റെ മരണത്തില് മനംനൊന്ത് യുവതി ആത്മഹത്യ ചെയ്തു. കിദൂർ കുണ്ടങ്കേരടുക്കയിലെ ബി. ജയാനന്ദന്റെ മകള് പ്രഫുല്ലയാണ് വീട്ടിലെ ഹാളില് തൂങ്ങിമരിച്ചത്. തമിഴ്നാട് സ്വദേശിയായ മണിയുമായി പ്രഫുല്ലയുടെ വിവാഹം നാല് മാസം മുമ്പാണ് നിശ്ചയിച്ചിരുന്നത്. എന്നാല് ഒരു മാസം മുമ്പ് ബൈക്കപകടത്തില് പരുക്കേറ്റ് ചികിത്സയിലായിരുന്ന മണി കഴിഞ്ഞ ദിവസം മരണപ്പെട്ടതോടെ പ്രഫുല്ല തീരാദുഃഖത്തിലായിരുന്നു.
വീട്ടുകാർ ഒരു വിവാഹ ചടങ്ങില് പങ്കെടുക്കാൻ പോയ സമയത്താണ് ഈ സംഭവം നടന്നത്. സംഭവസ്ഥലത്തു നിന്നും പ്രഫുല്ല എഴുതിയ ആത്മഹത്യാക്കുറിപ്പ് പോലീസ് കണ്ടെടുത്തിട്ടുണ്ട്. മണിയുടെ സംസ്കാരം നടന്ന സ്ഥലത്ത് തന്നെ തന്റെയും സംസ്കാരം നടത്തണമെന്ന സങ്കടകരമായ അഭ്യർത്ഥനയാണ് കുറിപ്പിലുള്ളത്. കുമ്പള പോലീസ് സ്ഥലത്തെത്തി ഇൻക്വസ്റ്റ് നടപടികള് പൂർത്തിയാക്കി. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കും.
SUMMARY: Fiance dies in car accident; woman commits suicide out of grief
