തിരുവനന്തപുരം: എസ്എന്ഡിപി യോഗം ജനറല് സെക്രട്ടറി വെള്ളാപള്ളി നടേശനെതിരെ രൂക്ഷ വിമര്ശനമായി ശ്രീനാരായണ സഹോദര ധര്മവേദി ചെയര്മാന് ഗോകുലം ഗോപാലന്. വെള്ളാപ്പള്ളി നടേശന് എസ്എന്ഡിപിയെ ഉപയോഗിച്ച് സ്വന്തം ആവശ്യങ്ങള് നേടുകയാണ്. പണവും അധികാര സ്വാധീനവും ഉപയോഗിച്ച് വെള്ളാപ്പള്ളി കസേര നിലനിര്ത്തുകയാണെന്നും ഗോകുലം ഗോപാലന് വിമര്ശിച്ചു.
ഗുരുദേവന് പറഞ്ഞ സത്യം ധര്മ്മം എസ്എന്ഡിപിയില് പുലരുന്നില്ല. പത്മ ഭൂഷണ് മഹാന്മാര്ക്ക് നല്കാനുള്ളതാണ്. സമൂഹത്തിനു വേണ്ടി പ്രവര്ത്തിക്കുന്ന പ്രതിഭകള്ക്ക് നല്കേണ്ടതാണ് പത്മ പുരസ്കാരം. ദുഷ്ട രാജാവായ വെള്ളാപ്പള്ളിക്ക് പത്മ പുരസ്കാരം നല്കിയത് അതിന്റെ വില ഇല്ലാതാക്കിയെന്ന് ഗോകുലം ഗോപാലന് വിമര്ശിച്ചു. വെള്ളാപ്പള്ളിയെ പുറത്താക്കണമെന്നാണ് ശ്രീനാരായണീയരുടെ ഭൂരിപക്ഷ മനസെന്ന് അദേഹം പറഞ്ഞു.
വെള്ളാപ്പള്ളിയുടെ കാശ് വാങ്ങി ആസ്വദിക്കുന്നവര്ക്ക് മാത്രമേ എസ്എന്ഡിപിയില് പ്രസിഡന്റോ സെക്രട്ടറിയോ ആകാന് കഴിയൂ. എതിര്ത്ത് നിന്ന് കഴിഞ്ഞാല് ആ കമ്മിറ്റി പിരിച്ചുവിട്ട് അവിടെ അഡ്മിനിസ്ട്രേഷന് ഭരണം നടപ്പാക്കുന്ന അവസ്ഥയാണ് എസ്എന്ഡിപിയിലെന്ന് ഗോകുലം ഗോപാലന് പറഞ്ഞു.
SUMMARY: Gokulam Gopalan severely criticizes Vellappally.
