കണ്ണൂര്: പയ്യന്നൂരിലെ വിവാഹ വീട്ടില് നിന്ന് കാണാതായ സ്വര്ണ്ണം കണ്ടെത്തി. കവര്ച്ച നടന്ന വീട്ടുവരാന്തയില് നിന്നാണ് സ്വര്ണ്ണം കണ്ടെത്തിയത്. പ്ലാസ്റ്റിക് കവറില് പൊതിഞ്ഞ നിലയിലായിരുന്നു ആഭരണങ്ങള്. വീട്ടുകാരുടെ മൊഴിയെടുക്കാനെത്തിയ പോലീസ് ആണ് സ്വര്ണ്ണം കണ്ടത്. ഡോഗ് സ്ക്വാഡ് സ്ഥലത്തെത്തി പരിശോധന നടത്തും.
ഇക്കഴിഞ്ഞ ശനിയാഴ്ചയാണ് കരിവെള്ളൂരില് വിവാഹദിവസം വീട്ടില് നിന്നും 30 പവന് കവര്ന്നത്. കൊല്ലം സ്വദേശി ആര്ച്ച എസ് സുധിയുടെ സ്വര്ണമാണ് മോഷണം പോയത്. മെയ് ഒന്നിനാണ് ഇവരുടെ വിവാഹം നടന്നത്. വിവാഹം കഴിഞ്ഞ് ഭര്തൃ വീട്ടിലെത്തിയപ്പോഴാണ് മോഷണം. വൈകുന്നേരം ചടങ്ങുകള്ക്ക് ശേഷം സ്വര്ണാഭരണങ്ങള് അഴിച്ചുവെച്ച് അലമാരയില് സൂക്ഷിച്ചിരുന്നെന്നാണ് ആര്ച്ച പറയുന്നത്.
TAGS : LATEST NEWS
SUMMARY : Gold stolen from wedding house in Kannur recovered
WhatsApp
Telegram
