ബെളഗാവിയിലെ ‌ദു​ര​ഭി​മാ​ന​ക്കൊ​ല; കു​ടും​ബാം​ഗ​ങ്ങ​ളാ​യ മൂ​ന്ന് പേ​ർ അ​റ​സ്റ്റി​ൽ

ബെം​ഗ​ളൂ​രു: ബെളഗാവിയില്‍ യുവതി ‌ദു​ര​ഭി​മാ​ന​ക്കൊ​ലക്കിരയായ സം​ഭ​വ​ത്തി​ൽ കു​ടും​ബാം​ഗ​ങ്ങ​ളാ​യ മൂ​ന്ന് പേ​ര്‍ അറസ്റ്റില്‍. റായബാഗ് താലൂക്കിലെ ഹനബരട്ടി സ്വദേശിനി സത്യവ്വ ഹീ​ലാ​വി എന്ന യുവതിയാണ് കൊല്ലപ്പെട്ടത്. ഇവരുടെ ബന്ധുക്കളായ അ​മ്മാ​വ​ൻ പ്ര​കാ​ശ് ഭീ​മ​പ്പ ഹീ​ലാ​വ​ർ(46), സ​ഹോ​ദ​ര​ൻ ഷാ​നു​ർ സ​ദാ​ശി​വ് ഹീ​ലാ​വ​ർ (35), സ​ഹോ​ദ​രീ ഭ​ർ​ത്താ​വ് മൊ​ര​ബാ​ദ് കാ​ല​പ്പ മാ​യ​പ്പ ഹീ​ലാ​വി (40) എ​ന്നി​വ​രാ​ണ് അ​റ​സ്റ്റി​ലാ​യ​ത്. യു​വ​തി​യെ കാ​ണ്മാ​നി​ല്ലെ​ന്ന പ​രാ​തി​യി​ൽ പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് കു​ടും​ബം ന​ട​ത്തി​യ ദു​ര​ഭി​മാ​ന​ക്കൊ​ല ക​ണ്ടെ​ത്തി​യ​ത്.

സ​ന്തോ​ഷ് എ​ന്ന​യാ​ളെ​യാ​ണ് സത്യവ്വ വി​വാ​ഹം ക​ഴി​ച്ച​ത്. എ​ന്നാ​ൽ പിന്നീട് കൃ​ഷ്ണ എ​ന്ന് പേ​രു​ള്ള മ​റ്റൊ​രാ​ളു​മാ​യി യു​വ​തി അ​ടു​പ്പ​ത്തി​ലാ​യി​രു​ന്നു. ഈ ​വ​ർ​ഷം തു​ട​ക്ക​ത്തി​ൽ സ​ത്യ​വ​യും കൃ​ഷ്ണ​യും ബ​ന്ധു​ക്ക​ളു​ടെ എ​തി​ർ​പ്പ് അ​വ​ഗ​ണി​ച്ച് ഒ​രു​മി​ച്ച് താ​മ​സി​ക്കാ​ൻ തു​ട​ങ്ങി​യി​രു​ന്നു. മാ​ർ​ച്ച് 13ന് ​സ​ത്യ​വ​യെ ബ​ന്ധു​ക്ക​ൾ അ​ന്വേ​ഷി​ച്ച് ക​ണ്ടെ​ത്തി മ​ഹാ​രാ​ഷ്ട്ര​യി​ലേ​ക്ക് കൊ​ണ്ടു​പോ​യി. യു​വാ​വി​ന്‍റെ ജാ​തി ചൂ​ണ്ടി​ക്കാ​ട്ടി ബ​ന്ധു​ക്ക​ൾ ഇ​രു​വ​രു​ടെ​യും ബ​ന്ധ​ത്തെ ശ​ക്ത​മാ​യി എ​തി​ർ​ത്തു. എ​ന്നാ​ൽ കൃ​ഷ്ണ​യ്‌​ക്കൊ​പ്പം ജീ​വി​ക്ക​ണ​മെ​ന്ന നി​ല​പാ​ടി​ലാ​യി​രു​ന്നു യു​വ​തി.

ഇ​തോ​ടെ യു​വ​തി​യെ കൊ​ല​പ്പെ​ടു​ത്താ​ൻ ബ​ന്ധു​ക്ക​ൾ തീ​രു​മാ​നി​ക്കു​ക​യാ​യി​രു​ന്നു. പ്ര​തി​ക​ൾ ബ​ലം പ്ര​യോ​ഗി​ച്ച് വി​ഷം ന​ൽ​കി സ​ത്യ​വ​യെ കൊ​ല​പ്പെ​ടു​ത്തു​ക​യാ​യി​രു​ന്നു. മ​ഹാ​രാ​ഷ്ട്ര​യി​ലെ സാം​ഗ്ലി ജി​ല്ലി​യി​ൽ വ​ച്ചാ​ണ് സം​ഭ​വം ന​ട​ന്ന​ത്. യു​വ​തി മ​രി​ച്ച​തി​ന് പി​ന്നാ​ലെ തെ​ളി​വു​ക​ൾ ന​ശി​പ്പി​ക്കാ​നാ​യി പ്രാ​ദേ​ശി​ക ശ്മ​ശാ​ന​ത്തി​ൽ അ​വ​രു​ടെ സം​സ്‌​കാ​ര ച​ട​ങ്ങു​ക​ളും പ്ര​തി​ക​ൾ ന​ട​ത്തി.

ബെളഗാ​വി പോ​ലീ​സ് സ്റ്റേ​ഷ​നി​ൽ കൃ​ഷ്ണ ന​ൽ​കി​യ കേ​സി​ലാ​ണ് പോ​ലീ​സ് അ​ന്വേ​ഷ​ണം ആ​രം​ഭി​ച്ച​ത്. ആ​ദ്യം പോ​ലീ​സ് അ​ന്വേ​ഷ​ണ​ത്തി​ൽ വ​ലി​യ താ​ത്പ​ര്യം കാ​ണി​ച്ചി​രു​ന്നി​ല്ല. പി​ന്നീ​ട് കേ​സ് റീ​ഓ​പ്പ​ൺ ചെ​യ്യു​ക​യാ​യി​രു​ന്നു. യു​വ​തി​യു​ടെ മാ​താ​വി​ന്‍റെ വി​ശ്വാ​സ്യ​ത പി​ടി​ച്ചു​പ​റ്റി​യാ​ണ് പോ​ലീ​സ് കേ​സി​ന്‍റെ ചു​രു​ള​ഴി​ച്ച​ത്. സം​ഭ​വ​ത്തി​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. സാംഗ്ലി ജില്ലയിലെ അരാഗ് ഗ്രാമത്തിലാണ് കൊലപാതകവും തെളിവ് നശിപ്പിക്കലും നടന്നതെന്നതിനാൽ, കൂടുതൽ നിയമനടപടികൾക്കായി കേസ് മഹാരാഷ്ട്ര പോലീസിന് കൈമാറുമെന്ന് ബെളഗാവി എസ്പി രാമരാജൻ പറഞ്ഞു.
SUMMARY: Honor killing in Belagavi; Three family members arrested