ബെംഗളുരു: മയക്കുമരുന്ന് കടത്ത് തടയുന്നതിനായി ബെംഗളുരുവിലെ വിവിധ ഭാഗങ്ങളിൽ സെൻട്രൽ ക്രൈം ബ്രാഞ്ചിന്റെ (സിസിബി) നാർക്കോട്ടിക് വിഭാഗവും സിറ്റി പോലീസ് സ്റ്റേഷനുകളും ചേർന്ന് നടത്തിയ റെയ്ഡിൽ മൂന്ന് 3 മലയാളികൾ ഉൾപ്പെടെ 15 പേരെ അറസ്റ്റ് ചെയ്തു. 21.50 കോടി രൂപ വിലമതിക്കുന്ന ലഹരിമരുന്നുകകളും പിടിച്ചെടുത്തു. പിടിയിലായവരില് 3 വിദേശികളും ഉൾപ്പെടും. വിവിധ ദിവസങ്ങളിലായി അമൃതഹള്ളി, ഹെബ്ബഗോഡി, ജെപി നഗർ, ശേഷാദ്രിപുരം, മഹാലക്ഷ്മി ലേഔട്ട്, ഗോവിന്ദപുര എന്നിവിടങ്ങളിൽ നടത്തിയ റെയ്ഡിലാണ് മയക്കുമരുന്നുകൾ പിടിച്ചെടുത്തത്.അജ്മൽ, മജീദ്, ആനന്ദ് എന്നിവരാണ് അറസ്റ്റിലായ മലയാളികൾ.
9.46 കിലോഗ്രാം ഹൈഡ്രോ കഞ്ചാവ്, 34 കിലോഗ്രാം കഞ്ചാ വ്, 5.67 കിലോഗ്രാം എംഡിഎംഎ, 131 ഗ്രാം കൊക്കെയ്ൻ ,426 മില്ലി ലീറ്റർ ഹഷീഷ് ഓയിൽ, 29 എൽഎസ്ഡി ഗുളികകൾ, 27 ഗ്രാം എൽഎസ്ഡി സ്ട്രിപ്പുകൾ എന്നിവ പിടിച്ചെടുത്തു. വിദേശ രാജ്യങ്ങളിൽ നിന്നും മറ്റു സംസ്ഥാനങ്ങളിൽ നിന്നുമെത്തിച്ച മയക്ക് മരുന്നുകൾ കോളജ് വിദ്യാർഥികൾക്കും യുവാക്കൾക്കും വില്പ്പന നടത്തുകയായിരുന്നു. കേസില് ഉള്പ്പെട്ട മറ്റു പ്രതികളെ കണ്ടെത്താനും പിടികൂടാനുമുള്ള ശ്രമങ്ങൾ പുരോഗമിക്കുകയാണെന്ന് പോലീസ് പറഞ്ഞു.
SUMMARY: Huge drug bust; Drugs worth Rs 21.50 crore seized, 15 people including 3 Malayalis arrested
