ബെംഗളൂരു: സാമൂഹ്യ സേവന രംഗത്ത് ബെംഗളൂരു കേന്ദ്രീകരിച്ച് പ്രവർത്തിക്കുന്ന ഹിറ വെൽഫയർ അസോസിയേഷൻ ചാരിറ്റബിൾ ഫൗണ്ടേഷൻ സ്വയം സഹായ പദ്ധതിയുടെ ഭാഗമായി ബെംഗളൂരുവിലെ നിർധന കുടുംബത്തിന് ഓട്ടോറിക്ഷ നൽകി.
ജമാഅത്തെ ഇസ്‌ലാമി ബെംഗളുരു മേഖല നാസിം യു. പി സിദ്ധീഖ് ചടങ്ങ് ഉദ്ഘാടനം ചെയ്തു. ഇത്തരത്തിലുള്ള പ്രവർത്തനങ്ങൾ നടത്താൻ എച്ച്ഡബ്ലുഎയ്ക്ക് ഇനിയും സാധിക്കട്ടെ എന്ന് അദ്ദേഹം ആശംസിച്ചു.
ജമാഅത്തെ ഇസ്‌ലാമി ബെംഗളുരു മേഖല പ്രസിഡണ്ട് റഹീം കോട്ടയം, ജനറൽ സെക്രട്ടറി ഷബീർ കൊടിയത്തൂർ, എച്ച്ഡബ്ലുഎ സെക്രട്ടറി അനൂപ് അഹമ്മദ് എന്നിവർ ചടങ്ങിൽ സംസാരിച്ചു. മേഖല സമിതി അംഗങ്ങളായ റഹീം നാഗർഭാവി, ഷാഹിർ ഡെലിഗോ, ഷബീർ മുഹ്‌സിൻ, അംജദ് അലി എന്നിവർ ചടങ്ങിൽ സന്നിഹിതരായിരുന്നു. എച്ച്ഡബ്ലുഎ പ്രൊജക്ട് കോർഡിനേറ്റർ നാസിഹ് വണ്ടൂർ, ലത്തീഫ് പി. കെ എന്നിവർ പരിപാടിക്ക് നേതൃത്വം നൽകി.
<br>
TAGS: HWA CHARITABLE FOUNDATION
