തിരുവനന്തപുരം: കാട്ടാക്കടയില് വിദ്വേഷ പ്രസംഗവുമായി പി കെ കൃഷ്ണദാസ്. എല്ഡിഎഫോ യുഡിഎഫോ കേരളത്തില് അധികാരത്തിലെത്തിയാല് ലൗ ജിഹാദ് നടപ്പാക്കുമെന്ന കൃഷ്ണദാസിന്റെ പരാമർശമാണ് വിവാദമായിരിക്കുന്നത്. എല്ഡിഎഫ്, യുഡിഎഫ് മുന്നണികള് അധികാരത്തിലെത്തിയാല് നിയന്ത്രിക്കുന്നത് ജമാഅത്തെ ഇസ്ലാമിയും എസ്ഡിപിഐയുമായിരിക്കും.
ഹിന്ദു-ക്രിസ്ത്യൻ കുടുംബങ്ങളിലെ പെണ്കുട്ടികളെ പ്രണയം നടിച്ച് രാജ്യദ്രോഹപ്രവർത്തനങ്ങള്ക്ക് റിക്രൂട്ട് ചെയ്യുമെന്നും കൃഷ്ണദാസ് ആരോപിച്ചു. കൈപ്പത്തിയില് വോട്ടുചെയ്താലും അരിവാള്ചുറ്റിക നക്ഷത്രത്തില് വോട്ടുചെയ്താലും ഹിന്ദു, ക്രൈസ്തവ ഭവനങ്ങളിലെ പെണ്കുട്ടികളെ പ്രണയം നടിച്ച് രാജ്യദ്രോഹ പ്രവർത്തനത്തിന് റിക്രൂട്ട് ചെയ്യുന്ന പ്രവർത്തനമായിരിക്കും നടക്കുക. ഇതിന് അനുവദിക്കണമോ എന്ന് കേരളത്തിലെ വോട്ടർമാർ ചിന്തിക്കണം.
അപകടകരമായ സാഹചര്യം കേരളത്തില് വരാൻ പോവുകയാണ്. ഒരുഭാഗത്ത് ജമാഅത്തെ ഇസ്ലാമി, മറുഭാഗത്ത് എസ്ഡിപിഐ. ഇത് രണ്ടും രാജ്യദ്രോഹ, പാക് അനുകൂല സംഘടനകളാണ്. ഈ രണ്ട് സംഘടനകളുമായിട്ടാണ് കോണ്ഗ്രസും മാർക്സിസ്റ്റ് പാർട്ടിയും സഖ്യവും സഹകരണവും ഉണ്ടാക്കിയെന്ന് കൃഷ്ണദാസ് പറഞ്ഞു.
SUMMARY: If LDF and UDF come to power, they will implement love jihad; PK Krishnadas makes communal speech
