ടെഹ്റാൻ: ഹോർമുസ് കടലിടുക്കിൽ ഇന്ത്യക്കാരൻ കൊല്ലപ്പെട്ടതായി വിവരം. മരണം ദുബായിലെ ഇന്ത്യൻ കോൺസുലേറ്റ് സ്ഥിരീകരിച്ചു. എക്സിലൂടെയാണ് മരണവിവരം പുറത്ത് വിട്ടത്. അതേസമയം, കൂടുതൽ വിവരങ്ങൾ പങ്കുവെച്ചിട്ടില്ല. ദുഃഖകരമായ സംഭവമാണിതെന്നും കുടുംബത്തിന് എല്ലാ പിന്തുണയും നൽകുമെന്നും ഇന്ത്യൻ കോൺസുലേറ്റ് എക്സിൽ കുറിച്ചു.
“കടലിലുണ്ടായ സംഭവത്തിൽ ഒരു ഇന്ത്യൻ കപ്പൽ ജീവനക്കാരൻ മരിച്ചതിൽ അനുശോചനം അറിയിക്കുന്നു. കപ്പൽ ഉടമയുമായി കോൺസുലേറ്റ് ബന്ധപ്പെട്ടിട്ടുണ്ട്, കൂടുതൽ വിവരങ്ങൾ ശേഖരിച്ചുവരുന്നു. ഈ വിഷയത്തിൽ സാധ്യമായ എല്ലാ സഹായവും കോൺസുലേറ്റ് മുൻഗണനയോടെ നൽകും. ഞങ്ങളുടെ അഗാധമായ അനുശോചനം അറിയിക്കുന്നു,” എക്സിൽ പങ്കുവെച്ച കുറിപ്പിൽ പറയുന്നു.
The Consulate @cgidubai is saddened to learn of the unfortunate incident at Sea that caused the tragic death of an Indian crew of a ship. The Consulate is in touch with the owner of the ship and is ascertaining further details. The Consulate will render all possible assistance in…
— India in Dubai (@cgidubai) May 8, 2026
SUMMARY: Indian killed in Strait of Hormuz
