ബെംഗളൂരു: പ്രെസ്റ്റീജ് ജിണ്ടാൽ സിറ്റി അപാർട്ട്മെന്റിലെ മലയാളി കൂട്ടായ്മയായ കേരളീയത്തിന്റെ അഞ്ച് ദിവസം നീണ്ടു നിന്ന ഓണാഘോഷം സമാപിച്ചു. ‘ഗോയിങ് ബിയോണ്ട് ദ വാള്സ്’ എന്ന പേരില് നാര്ക്കൊടിക്സ് കണ്ട്രോള് ബ്യൂറോ, ദിശാബോധ് എന്നിവയുമായി സാഹകരിച്ചു ‘സേ യെസ് റ്റു ലൈഫ് ആന്ഡ് നോ റ്റു ഡ്രഗ്സ്’ എന്ന മയക്കുമരുന്നിനെതിരെയുള്ള ആശയം ഉൾകൊള്ളിച്ചാണ് ഇത്തവണത്തെ ഓണാഘോഷം സംഘടിപ്പിച്ചത് .
സമാപന സമ്മേളനത്തിൽ രാജീവ്ഗാന്ധി ആരോഗ്യ സർവകാശല വൈസ് ചാന്സലര് ഡോ. ഭഗവാൻ ബി.സി. നാര്ക്കൊടിക്സ് കണ്ട്രോള് ബ്യൂറോ സൂപ്രണ്ട് രത്തൻ, ദിശാബോധ് ഡയരക്ടര് ശിവാംഗി റെഡ്ഡി, അപാർട്മെന്റ് അസോസിയേഷൻ പ്രസിഡന്റ് പ്രകാശ് സി എന്നിവർ പങ്കെടുത്തു. സംസ്ഥാനത്തെ ആദ്യ അപാർട്മെന്റ് കേന്ദ്രീകരിച്ചുള്ള ഗൃഹശുദ്ധി അഭിയാൻ ഓണാഘോഷ വേദിയിൽ ഉദ്ഘാടനം ചെയ്തു. എല്ലാവരും മയക്കുമരുന്നിനെതീരെ നിലകൊള്ളുമെന്ന പ്രതിജ്ഞ എടുത്ത ഈ ആഘോഷത്തിൽ ആയിരത്തിലേറെ പേർ പങ്കെടുത്തു.
ജൂലൈ 26 ന് പായസ മത്സരം, ഓണപാട്ട് മത്സരം, ഓഗസ്റ്റ് 1 ന് കലാമണ്ഡലം ആദിത്യന്റെ നേതൃത്വത്തിൽ പൂതന മോക്ഷം കഥകളി, ഓഗസ്റ്റ് രണ്ടിന് 20 ഓളം ടീമുകൾ പങ്കെടുത്ത വടംവലി മത്സരം, അസ്ഗസ്റ്റ് 8 ന് പൂക്കള മത്സരം, തീറ്റ മത്സരം, സാംസ്കാരിക പരിപാടികള്, 9 ന് ഘോഷയാത്ര, മെഗാതിരുവാതിര, ഓണസദ്യ, സംഗീത നിശാ തുടങ്ങി ഒട്ടേറെ പരിപാടികൾ കൊണ്ട് ശ്രദ്ധേയമായിരുന്നു ഈ വർഷത്തെ കേരളീയത്തിന്റെ ഓണാഘോഷം.
കേരളീയം പ്രസിഡന്റ് രാജേഷ് വെട്ടംതൊടി, വൈസ് പ്രസിഡന്റ് സഹീർ അബ്ബാസ്, ജനറൽ സെക്രട്ടറി ലിജോഷ് ജോസ്, ജോയിന്റ് സെക്രട്ടറി ബിന്ദു പി, ട്രഷറര് ഡോ ചിന്റ്റൂ എസ് കുമാർ, കമ്മിറ്റി അംഗങ്ങളായ പ്രസാദ് സി പി, ഇർഫാന റോക്കി, ഡോ ദർശന എസ് കുമാർ, ഹരീഷ് ഭാസ്കരൻ, പ്രകാശ് എന്, ഗംഗധരൻ, ഡോ. ലക്ഷ്മി പൂയത്ത്, അരുൺ റാം, ദീപ കൃഷ്ണൻ, ജോബിൻ അഗസ്റ്റിൻ എന്നിവർ നേതൃത്വം നൽകി.
SUMMARY: Kerala Onam celebrations conclude
