ബെംഗളൂരു: ബാംഗ്ലൂര് കേരളസമാജം കന്റോണ്മെന്റ് സോണ് സംഘടിപ്പിച്ച ഇന്റര് സോണ് ക്രിക്കറ്റ് ടൂര്ണമെന്റ് ഹെബ്ബാള് വെറ്റിനറി കോളജ് ഗ്രൗണ്ടില് നടന്നു. കര്ണാടക ക്രിക്കറ്റ് അസോസിയേഷന് ഹോണററി സെക്രട്ടറി സന്തോഷ് മേനോന് ടൂര്ണമെന്റ് ഉദ്ഘാടനം ചെയ്തു. സോണ് വൈസ് ചെയര്പേഴ്സണ് ഹരികുമാര് അധ്യക്ഷത വഹിച്ചു.
കേരളസമാജം പ്രസിഡന്റ് എം ഹനീഫ്, ജനറല് സെക്രട്ടറി റജികുമാര്, ട്രഷറര് ജോര്ജ് തോമസ്, ജോയിന്റ് സെക്രട്ടറി അനില് കുമാര് ഒ കെ, കള്ച്ചറല് സെക്രട്ടറി മുരളിധരന്, അസിസ്റ്റന്റ് സെക്രട്ടറി വിനു ജി, സോണ് കണ്വീനര് ബിജു കെ സി, വൈസ് ചെയര്മാന് ഷിനോജ് നാരായണ്, ടൂര്ണമെന്റ് ഓര്ഗനൈസിങ് കമ്മറ്റി കണ്വീനര് സജിത്ത് ചന്ദ്രന്, വനിതാ വിഭാഗം ഭാരവാഹികളായ ദിവ്യ മുരളി, സുധ സുധീര്, ഷൈമ രമേഷ്, പ്രിയ പ്രസാദ് , സ്വപ്ന, സുനിത, പ്രസന്ന, പ്രദീപന്, പ്രേമന്, ലക്ഷ്മി ഹരികുമാര്, ഷൈജു ജോര്ജ്, ശശീധരന്, പ്രസാദ്, സജീവന്, തിലകന്, വിഷ്ണു തുടങ്ങിയവര് സംബന്ധിച്ചു.
10 ടീമുകള് പങ്കെടുത്ത മത്സരത്തില് കേരളസമാജം കെ ആര് പുരം- എ ടീം വിജയികളായി. കേരളസമാജം ഈസ്റ്റ് സോണ് സോണ് ടീമിന് രണ്ടാം സ്ഥാനം ലഭിച്ചു. സമാപന സമ്മേളനത്തില് കര്ണ്ണാടക രഞ്ജി ട്രോഫി മുന് താരം ആനന്ദ് കട്ടി വിജയികള്ക്ക് സമ്മാനങ്ങള് വിതരണം ചെയ്തു. വിജയിച്ച ടീമിന് നാല്പ്പത്തിനായിരം രൂപയും ഹരിപ്പാട് എന് വി ദേവന് മെമ്മോറിയര് റോളിംഗ് ട്രോഫിയും രണ്ടാം സ്ഥാനം കരസ്ഥമാക്കിയ ടീമിന് ഇരുപതിനായിരം രൂപയും ട്രോഫിയും നല്കി.
മാന് ഓഫ് ദി ഫൈനല്സ്- ശൈലേഷ് ഫാബിയ (കെ ആര് പുരം സോണ്), മാന് ഓഫ് ദി സീരീസ്- മൊഞ്ജിത് (കെ ആര് പുരം സോണ്), ബെസ്റ്റ് ബാറ്റ്സ്മാന് ഓഫ് ദി സീരീസ് -ടി സി അഖില് (കാന്റോന്മെന്റ് സോണ് എ ടീം) എന്നിവരാണ് മറ്റ് വിജയികള്.
SUMMARY: Kerala Samajam Cricket Tournament
