ബെംഗളൂരു: കെഎൻഎസ്എസ് ഇന്ദിരാനഗർ കരയോഗം നടത്തിയ എം ബി മേനോൻ മെമ്മോറിയൽ കെഎൻഎസ്എസ് ഫൗണ്ടേഷൻ ഡേ കാരംസ് ടൂർണമെൻറ് മല്ലേഷ്പാളയിലുള്ള ശക്തിഗണപതി ടെമ്പിൾ ഹാളിൽ വെച്ചു നടന്നു. കരയോഗം പ്രസിഡന്റായ സനൽ കെ നായർ, സെക്രട്ടറി സുരേഷ്കുമാർ, ട്രഷറർ സജിത് കെ നായർ, വനിതാ വിഭാഗം കോർകമ്മിറ്റി കൺവീനർ ശോഭന രാമ്ദാസ്, മാതൃശക്തി പ്രസിഡൻറ് വനജകുമാരി എന്നിവർ ചേർന്ന് ടൂർണമെൻറ് ഉദ്ഘാടനം ചെയ്തു.
കെഎൻഎസ്എസ് വൈസ് ചെയർമാൻ മോഹൻകുമാർ ജി, ജോ. ട്രഷറർ എം പി പ്രദീപൻ, വനിതാ കോർ കമ്മിറ്റി ജോ. കൺവീനർ സുജാതാ പ്രദീപൻ, ഗോപിനാഥൻ, ജയപ്രകാശ് എന്നിവരും മറ്റു വിശിഷ്ടാഥിതികളും ചേർന്ന് സമ്മാനദാനം നിർവഹിച്ചു. 11 കരയോഗങ്ങളിൽ നിന്നായി 23 പേർ സിംഗിൾസിലും ഡബിൾസിലുമായി പങ്കെടുത്തു. വിജയികൾക്ക് ട്രോഫിയും, ക്യാഷ് പ്രൈസും സർടിഫിക്കറ്റും നമ്മാനിച്ചു. ഏറ്റവും കൂടുതൽ പോയിൻറു നേടിയ സർജാപുര കരയോഗം റോളിംഗ് ട്രോഫി കരസ്ഥമാക്കി.
സിംഗിൾസിൽ അരുൺ സി, സർജാപുര കരയോഗം ഒന്നാം സ്ഥാനം കരസ്ഥമാക്കി. കാർത്തികേയൻ, വിമാനപുര കരയോഗം, ഗോവിന്ദരാജ് കെ, ജയമഹാൾ കരയോഗം എന്നിവർ രണ്ടും മൂന്നും സ്ഥാനങ്ങൾ നേടി.
ഡബിൾസിൽ അരുൺ സിയും അഭിലാഷ് ചാലാറ്റിലും ചേർന്ന് ഒന്നാം സ്ഥാനം നേടി. പ്രസാദ് ഇ, ഹരീഷ് കൈപ്പിള്ളി ഹൊരമാവു കരയോഗം രണ്ടാം സ്ഥാനവും, സുജിത് പി കെ, ഷൈജിത് പി കെ ഇന്ദിരാനഗർ കരയോഗം മൂന്നാം സ്ഥാനവും കരസ്ഥമാക്കി.
SUMMARY: KNSS Foundation Day Carrom Tournament
