കെഎസ്ആർ ബെംഗളൂരു – കണ്ണൂർ എക്സ്പ്രസ് ട്രെയിൻ; നവംബർ മുതൽ എസ്എംവിടി ബൈയപ്പനഹള്ളിയിൽ നിന്ന്

ബെംഗളൂരു: കെഎസ്ആർ ബെംഗളൂരു – കണ്ണൂർ എക്സ്പ്രസ് ട്രെയിൻ (16511/16512 ) സർവീസിൽ റൂട്ടിൽ മാറ്റം വരുത്തിയതായി സതേൺ റെയിൽവേ അറിയിച്ചു. യശ്വന്ത്പുർ സ്റ്റേഷനിലെ യാർഡ് നവീകരണ പ്രവർത്തനങ്ങൾ നടക്കുന്നതിന്റെ ഭാഗമായാണ് നടപടി. നവംബർ ഒന്ന് മുതൽ 2025 മാർച്ച്‌ 31 വരെയാണ് റൂട്ട് മാറ്റം നടപ്പാക്കുക. ഈ കാലയളവിൽ കെഎസ്ആർ ബെംഗളൂരു – കണ്ണൂർ എക്സ്പ്രസ് എസ്എംവിടി ബെംഗളുരു- യശ്വന്ത്പുര റൂട്ട് വഴിയാണ് സർവീസ് നടത്തുക.

നവംബർ ഒന്നിന് ട്രെയിൻ എസ്എംവിടി ബെംഗളൂരുവിൽ നിന്ന് രാത്രി 8 മണിക്കും, യശ്വന്ത്പുരിൽ 21.25ന് എത്തി 21.45ന് പുറപ്പെടുകയും ചെയ്യും. മടക്ക യാത്രയിൽ ട്രെയിൻ കണ്ണൂരിൽ നിന്ന് പിറ്റേന്ന് വൈകിട്ട് 5.05ന് പുറപ്പെടുകയും, യശ്വന്ത്പുരിൽ രാവിലെ 06.10നും, എസ്എംവിടി ബെംഗളൂരു സ്റ്റേഷനില്‍ 07.45 മണിക്ക് എത്തിച്ചേരുകയും ചെയ്യും.

TAGS: BENGALURU | TRAIN
SUMMARY: KSR Bengaluru – kannur express train route changed