തിരുവനന്തപുരം: ഡി.എം.ആർ.സി ഡല്ഹിയില് ആരംഭിച്ച ഹൈഡ്രജൻ ബസ് സർവീസ് കേരളത്തിലേക്കും എത്തിക്കുമെന്ന് ഗതാഗത മന്ത്രി സി.പി.ജോണ്. ഡല്ഹിയില് ഹൈഡ്രജൻ ബസില് യാത്ര ചെയ്ത ശേഷം പ്രതികരിക്കുകയായിരുന്നു മന്ത്രി. ബസ് കേരളത്തില് പ്രവർത്തനം ആരംഭിക്കുന്നത് സംബന്ധിച്ച പ്രാരംഭ ചർച്ചകള് നടത്തിയെന്നും സി.പി,ജോണ് വ്യക്തമാക്കി.
കെ.എസ്,ആർ.ടി.സി സി.എം.ഡി പ്രമോജ് ശങ്കർ, അഡിഷണല് റസിഡന്റ് കമ്മിഷണർ അശ്വതി ശ്രീനിവാസ് എന്നിവരും മന്ത്രിയോടൊപ്പം ഹൈഡ്രജൻ ബസില് യാത്ര ചെയ്തു. സെൻട്രല് സെക്രട്ടേറിയറ്റില് നിന്നാരംഭിച്ച് സേവ് തീർത്ഥ്, സെൻട്രല് വിസ്ത വഴി തിരികെ സെൻട്രല് സെക്രട്ടേറിയറ്റില് തന്നെ അവസാനിക്കുന്ന രീതിയിലാണ് ബസിന്റെ യാത്ര ഡി.എം.ആർ,സി ക്രമീകരിച്ചിരിക്കുന്നത്.
ഹരിത ഇന്ധനത്തിന്റെ പ്രോത്സാഹനത്തിനും ബസിന്റെ സവിശേഷതകള് മനസിലാക്കുന്നതിനും സംസ്ഥാനത്ത് ഇത്തരം ബസുകള് എത്തിക്കുന്നതിനുമുള്ള സാദ്ധ്യത പരിശോധിക്കുന്നതിനുമാണ് ബസ് യാത്ര നടത്തിയതെന്ന് മന്ത്രി പറഞ്ഞു.
SUMMARY: KSRTC enters hydrogen era; Minister CP John says buses will arrive soon
