ബെംഗളൂരു: മലയാളം മിഷന് കര്ണാടക ചാപ്റ്റര് സെന്ട്രല് മേഖലയിലെ ഡിആര്ഡിഒ പഠനകേന്ദ്രത്തിന്റെ പത്താം വാര്ഷികാഘോഷത്തോടനുബന്ധിച്ച് പ്രസിദ്ധീകരിച്ച സ്മരണിക ‘അപ്പൂപ്പന് താടി’യുടെ പ്രകാശനവും പ്രശസ്ത ചലച്ചിത്രകാരനും മോസ്കോ ഫിലിം ഫെസ്റ്റിവല് അവാര്ഡുകളുള്പ്പെടെ നിരവധി പുരസ്കാരങ്ങള് നേടിയ റസാഖ് അഹമ്മദിനുള്ള അനുമോദനവും ഡിആര്ഡിഒ പഠന കേന്ദ്രത്തില് വച്ച് നടന്നു.
സെന്ട്രല് മേഖല കോഡിനേറ്ററും, സയന്റിസ്റ്റുമായ നൂര് മുഹമ്മദിന്റെ അധ്യക്ഷതയില് നടന്ന യോഗത്തില് മലയാളം മിഷന് കര്ണാടക ചാപ്റ്റര് ഫിനാന്സ് സെക്രട്ടറിയും, ഇന്ഡിക്ക് ഡിജിറ്റല് ആര്ക്കൈവ് ഫൗണ്ടേഷന് (ഗ്രന്ഥപ്പുര) ഡയറക്ടറുമായ ജിസ്സോ ജോസ് ഡിആര്ഡിഒ കുടുംബാംഗം കൂടിയായ റസാഖ് അഹമ്മദിനെ ആദരിച്ചു.
മോസ്ക്കോ ഫിലിം ഫെസ്റ്റിവലില് മികച്ച ഫിലിം, മികച്ച നടി വിഭാഗങ്ങളില് പുരസ്ക്കാരങ്ങള് വാരിക്കൂട്ടിയ മോഹം എന്ന സിനിമയുടെ ചിത്രീകരണ അനുഭവങ്ങളും തന്റെ ചലച്ചിത്ര രംഗപ്രവേശനത്തെ കുറിച്ചും അദ്ദേഹം വിശേഷങ്ങള് പങ്കുവെച്ചു.
സ്മരണിക പ്രകാശനം റസാഖ് അഹമ്മദ്, മാഗസിന് പ്രവര്ത്തനങ്ങള്ക്ക് നേതൃത്വം നല്കിയ സൂര്യയ്ക്ക് നല്കി നിര്വഹിച്ചു. ജിസ്സോ ജോസ്, മലയാളം മിഷന് കര്ണാടക ചാപ്റ്റര് ജോയിന്റ് സെക്രട്ടറി അഡ്വ ബുഷ്റ വളപ്പില് എന്നിവര് സംസാരിച്ചു. തുടര്ന്നു കുട്ടികളുടെ വിവിധ കലാപരിപാടികള് അരങ്ങേറി. മാഗസിന് എഡിറ്റര് നിമേഷ് ജി, കവര്ചിത്രം വരച്ച നീലക്കുറിഞ്ഞി വിജയി ആരിഫ ഫിറോസ്, പേര് നിര്ദ്ദേശിച്ച ആമ്പല് വിദ്യാര്ഥി കാര്ത്തിക് എന്നിവരെ ചടങ്ങില് അനുമോദിച്ചു.
വിദ്യാര്ഥികളായ അഭിനവ്, നന്ദിത കോര്ഡിനേറ്റര്മാരായ രാഹുല്, ഷിബു, ശ്രീനിധി, സുമേഷ്, രജിത, രഞ്ജിത്, രാജേഷ്, ഫിറോസ് അധ്യാപകരായ ജെസ്ന, രമ്യ, ഗ്രീഷ്മ, താഹിറ എന്നിവര് നേതൃത്വം നല്കി. സഹ കോര്ഡിനേറ്റര് ഉണ്ണികൃഷ്ണന് നന്ദി പറഞ്ഞു.
WhatsApp
Telegram
