ബെംഗളൂരു: പാകിസ്താനി അനുകൂല മുദ്രാവാക്യം വിളിച്ച യുവാവ് പിടിയിൽ. ഛത്തീസ്ഗഢ് സ്വദേശിയായ ശുഭാംശു ശുക്ലയാണ് (26) പിടിയിലായത്. വൈറ്റ്ഫീൽഡ് പ്രശാന്ത് ലേഔട്ടിൽ ഒരു കൂട്ടം യുവാക്കൾ പാകിസ്ഥാനെതിരെ ഇന്ത്യ നടത്തിയ ഓപ്പറേഷൻ സിന്ദൂരിന്റെ വിജയം ആഘോഷിക്കുന്നതിനിടെയായിരുന്നു സംഭവം. ആഘോഷത്തിനിടെ, അടുത്തുള്ള പിജി താമസസ്ഥലത്തിന്റെ ബാൽക്കണിയിൽ നിൽക്കുകയായിരുന്ന ശുഭാംശു പാകിസ്ഥാനെ പിന്തുണച്ച് ഉച്ചത്തിൽ മുദ്രാവാക്യം വിളിക്കുകയായിരുന്നു.
ഉടൻ തന്നെ യുവാക്കൾ പോലീസിൽ വിവരം അറിയിക്കുകയിരുന്നു. സംഭവസ്ഥലത്ത് എത്തിയ വൈറ്റ്ഫീൽഡ് പോലീസ് ശുഭാംശുവിനെ കസ്റ്റഡിയിലെടുത്തു. ചോദ്യം ചെയ്യലിന് ശേഷം, ശുഭാംശു ശുക്ല വിവാദ മുദ്രാവാക്യം വിളിച്ചതായി സ്ഥിരീകരിച്ചതോടെ ഇയാളെ അറസ്റ്റ് ചെയ്യുകയായിരുന്നുവെന്ന് പോലീസ് പറഞ്ഞു. ബെംഗളൂരുവിലെ സ്വകാര്യ കമ്പനിയിൽ ജീവനക്കാരനാണ് യുവാവ്.
TAGS: BENGALURU | ARREST
SUMMARY: Man arrested for allegedly shouting pro-Pakistan slogans
