കൊച്ചി: സൗബിൻ ഷാഹിർ പ്രതിയായ മഞ്ഞുമ്മല് ബോയ്സ് സാമ്പത്തിക തട്ടിപ്പ് കേസ് അന്വേഷിക്കാൻ പ്രത്യേക സംഘത്തെ നിയോഗിച്ചു. എറണാകുളം ഡിസിപി വിനോദ് പിള്ളയുടെ നേതൃത്വത്തില് ക്രൈംബ്രാഞ്ച് ഡിവൈഎസ്പി ലത്തീഫാണ് കേസ് അന്വേഷിക്കുന്നത്. നിലവില് കേസ് അന്വേഷിക്കുന്ന സൗത്ത് എസിപി രാജ്കുമാറും അന്വേഷണ സംഘത്തിലുണ്ട്.
പ്രത്യേക അന്വേഷണസംഘം രൂപീകരിക്കണമെന്ന് ആവശ്യപ്പെട്ട് പരാതിക്കാരൻ ഡിജിപിയെ സമീപിച്ചിരുന്നു. അരൂർ സ്വദേശി നല്കിയ പരാതിയിലാണ് നടപടി. കേസ് അട്ടിമറിക്കാനുള്ള സാധ്യതയുണ്ടെന്ന് ചൂണ്ടിക്കാട്ടിയാണ് പ്രത്യേക അന്വേഷണ സംഘത്തെ രൂപീകരിക്കണമെന്ന് പരാതിക്കാരൻ ആവശ്യപ്പെട്ടത്.
ഏഴ് കോടി രൂപ ഈ സിനിമയുമായി ബന്ധപ്പെട്ട് താന് ചിലവാക്കിയിരുന്നു. എന്നാല് ലാഭ വിഹിതം തനിക്ക് നല്കിയില്ല. തന്നെ പറഞ്ഞ് കബളിപ്പിച്ചു തുടങ്ങിയ ആരോപണങ്ങള് ഉന്നയിച്ചായിരുന്നു പരാതി.
SUMMARY: Manjummal Boys financial fraud case; Special team to investigate
