കൊല്ലം: കൊല്ലം താന്നിയില്‍ വിവാഹ റിസപ്ഷനിടെ യുവാക്കള്‍ തമ്മില്‍ രൂക്ഷമായ കൂട്ടത്തല്ല്. ഞായറാഴ്ച രാത്രി ഓഡിറ്റോറിയത്തിന് പുറത്തുവെച്ച്‌ മദ്യപിച്ചതിനെച്ചൊല്ലിയുണ്ടായ തർക്കമാണ് പിന്നീട് കൈയാങ്കളിയില്‍ കലാശിച്ചത്. ഓഡിറ്റോറിയത്തിന് സമീപത്ത് വെച്ച്‌ ചിലർ മദ്യപിക്കുന്നത് നാട്ടുകാരും വഴിയാത്രക്കാരും ചോദ്യം ചെയ്തതാണ് തർക്കത്തിന് കാരണമായതെന്നാണ് വിവരം.
താന്നി പാലത്തിന് സമീപത്തെ ബോട്ട് ജെട്ടിക്ക് സമീപത്തും കായലിലുമാണ് യുവാക്കള്‍ തമ്മില്‍ ഏറ്റുമുട്ടിയത്. ചിലർ കായലില്‍ ഇറങ്ങി ഏറ്റുമുട്ടുകയും ചെയ്തു. വഴിയാത്രക്കാരും നാട്ടുകാരും തർക്കം പരിഹരിക്കാൻ രംഗത്തെത്തിയെങ്കിലും ഇവരില്‍ ചിലർക്കും മർദനമേറ്റു. നാട്ടുകാരില്‍ ചിലർ വിവരമറിയിച്ചതിനെ തുടർന്ന് പോലീസ് സ്ഥലത്തെത്തിയപ്പോഴാണ് യുവാക്കള്‍ പിന്മാറിയത്.
SUMMARY: Mass brawl during wedding ceremony in Kollam; several injured
