ബെംഗളൂരു : ഖനി അഴിമതിക്കേസിൽ കുമാരസ്വാമിയെ കുറ്റവിചാരണചെയ്യാൻ ലോകായുക്ത നൽകിയ അപേക്ഷയിൽ ഉടൻ നടപടിയെടുക്കണമെന്നാവശ്യപ്പെട്ട് കോണ്‍ഗ്രസ് നേതാക്കള്‍ ഗവര്‍ണര്‍ താവർചന്ദ് ഗഹ്‌ലോട്ടിന് നിവേദനം നൽകി. മുഖ്യമന്ത്രിയെ കുറ്റവിചാരണ ഗവർണർ അനുമതി നൽകിയതിനെ അപലപിച്ച് രാജ്ഭവനിലേക്ക് നടത്തിയ മാർച്ചിന് ശേഷം ഡി. കെ. ശിവകുമാറിൻ്റെ നേതൃത്വത്തിലുള്ള നേതാക്കളാണ് ഗവർണറെ സന്ദർശിച്ച് നിവേദനം നൽകിയത്.
മുൻ ബി.ജെ.പി. മന്ത്രിമാരായ ജനാർദനറെഡ്ഡി, ശശികല ജൊല്ലെ, മുരുകേശ് നിറാനി എന്നിവരെ വിവിധ കേസുകളിൽ കുറ്റവിചാരണചെയ്യാൻ ഗവർണർക്കുമുമ്പിലുള്ള അപേക്ഷകളിൽ ഉടൻ നടപടിയെടുക്കണമെന്നും ആവശ്യപ്പെട്ടു. ഗവർണർക്കുമുമ്പിലുള്ള ബില്ലുകളിൽ തുടർനടപടി സ്വീകരിക്കണമെന്നും നിവേദനത്തിൽ പറയുന്നു.
2007-ൽ മുഖ്യമന്ത്രിയായിരിക്കെ ശ്രീസായി വെങ്കിടേശ്വര മിനറൽസിന് വഴിവിട്ട് ഖനനാനുമതി നൽകിയെന്ന കേസിലാണ് കുമാരസ്വാമി അന്വേഷണം നേരിടുന്നത്.
<br>
TAGS : HD KUMARASWAMY | MINE SCAM
SUMMARY : Kumaraswamy should be allowed to be prosecuted in the mine corruption case. Congress leaders submitted a petition to the Governor
