തിരുവനന്തപുരം: കുടുംബപ്രശ്നങ്ങളെത്തുടർന്നുണ്ടായ വിവാദങ്ങളുടെ പശ്ചാത്തലത്തില് മന്ത്രി കെ.ബി. ഗണേഷ് കുമാർ രാജിവെക്കേണ്ടതില്ലെന്ന് സർക്കാർ. മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്ചയില്, വീട്ടിലുണ്ടായത് വെറും കുടുംബപ്രശ്നമാണെന്നും ഭാര്യയ്ക്ക് പരാതിയില്ലെന്നും ഗണേഷ് കുമാർ വിശദീകരിച്ചു.
മന്ത്രിസഭായോഗത്തിന് ശേഷം നടന്ന ഈ ചർച്ചയില്, 112-ല് വിളിച്ചതിനെത്തുടർന്ന് പോലീസ് എത്തിയ സാഹചര്യവും അവർ മടങ്ങിപ്പോകാനുണ്ടായ കാരണവും മന്ത്രി മുഖ്യമന്ത്രിയെ ധരിപ്പിച്ചു. ഗണേഷ് കുമാർ മാപ്പുപറഞ്ഞതോടെ പ്രശ്നം അവസാനിച്ചെന്ന ഭാര്യ ബിന്ദു മേനോന്റെ പ്രസ്താവന കൂടി കണക്കിലെടുത്താണ് ഇടതുമുന്നണി നേതൃത്വം വിവാദം അവസാനിപ്പിക്കാൻ തീരുമാനിച്ചത്.
സംഭവം വിവാദമായതോടെ കഴിഞ്ഞ ദിവസം ഗണേഷ് കുമാർ മുന്നണി നേതാക്കളെ കണ്ട് കാര്യങ്ങള് വിശദീകരിച്ചിരുന്നു. തുടർന്ന് ബിന്ദു മേനോന്റെ സഹോദരി വഴിയാണ് അനുരഞ്ജന ചർച്ചകള് നടന്നത്. ബിന്ദുവിനോട് നേരിട്ട് സംസാരിക്കുകയും നടന്ന കാര്യങ്ങളില് ക്ഷമാപണം നടത്തുകയും ചെയ്തതോടെ പരാതിയുമായി മുന്നോട്ട് പോകാനില്ലെന്ന് അവർ വ്യക്തമാക്കുകയായിരുന്നു.
ഇതോടെ മന്ത്രിസ്ഥാനം ഒഴിയേണ്ടതില്ലെന്ന നിഗമനത്തില് മുഖ്യമന്ത്രിയും മുന്നണി നേതൃത്വവും എത്തിച്ചേർന്നു. മന്ത്രിസഭായോഗത്തിലും ഈ വിഷയം ആരും ഉന്നയിച്ചില്ലെന്നതും ശ്രദ്ധേയമാണ്. എന്നാല്, ഒത്തുതീർപ്പ് നടപടികളിലൂടെ പ്രശ്നം അവസാനിക്കില്ലെന്ന ഉറച്ച നിലപാടിലാണ് കോണ്ഗ്രസ്. മന്ത്രിയുടെ രാജി ആവശ്യപ്പെട്ട് പത്തനാപുരത്തുള്ള അദ്ദേഹത്തിന്റെ ഓഫീസിലേക്ക് യൂത്ത് കോണ്ഗ്രസ് പ്രവർത്തകർ പ്രതിഷേധ മാർച്ച് നടത്തി.
പോലീസ് ബാരിക്കേഡ് ഉയർത്തി മാർച്ച് തടഞ്ഞത് സംഘർഷത്തിന് കാരണമായി. ബാരിക്കേഡ് മറികടക്കാൻ ശ്രമിച്ച പ്രവർത്തകർക്ക് നേരെ പോലീസ് ലാത്തിവീശിയത് സ്ഥലത്ത് വലിയ തോതില് സംഘർഷാവസ്ഥ സൃഷ്ടിച്ചു. ഗണേഷ് കുമാറിനെതിരെ ശക്തമായ പ്രതിഷേധം തുടരാനാണ് പ്രതിപക്ഷ സംഘടനകളുടെ തീരുമാനം.
SUMMARY: Minister Ganesh Kumar will not resign; decision will be taken after meeting the Chief Minister
WhatsApp
Telegram
