ബെംഗളൂരു: രാജ്യത്തെ പ്രമുഖ എഴുത്തുകാര്‍, ചരിത്രകാരന്മാര്‍, പത്രപ്രവര്‍ത്തകര്‍, കലാകാരന്മാര്‍, സംരംഭകര്‍, സര്‍ഗ്ഗാത്മക ചിന്തകര്‍ എന്നിവര്‍ പങ്കെടുക്കുന്ന മൈസൂരു സാഹിത്യോത്സവത്തിന്റെ പത്താമത് പതിപ്പ് ജൂലൈ 4, 5 തീയതികളില്‍ ഹോട്ടല്‍ സതേണ്‍ സ്റ്റാറില്‍ നടക്കും. മൈസൂര്‍ രാജകുടുംബത്തിലെ പ്രമോദ ദേവി വാഡിയാര്‍ മേള ഉദ്ഘാടനം ചെയ്യും, എഴുത്തുകാരനും മുന്‍ നയതന്ത്രജ്ഞനുമായ അമിഷ് ത്രിപാഠിയും എഴുത്തുകാരനും സംരംഭകനുമായ അരൂണ്‍ രാമനും വിശിഷ്ടാതിഥികളായിരിക്കും. പത്മശ്രീ അവാര്‍ഡ് ജേതാവായ അങ്കെ ഗൗഡ, കലിസു ഫൗണ്ടേഷനിലെ എം.എം. നിഖിലേഷ് എന്നിവരെ ചടങ്ങില്‍ ആദരിക്കും.
എഴുത്തുകാരന്‍ ആര്‍.കെ.നാരായണന്റെ 120-ാം ജയന്തി ആഘോഷത്തിന്റെ ഭാഗമായി സാഹിത്യ സദസും ഒരുക്കിയിട്ടുണ്ട്. അമിഷ് ത്രിപാഠി, അരൂണ്‍ രാമന്‍, ടി.എം.കൃഷ്ണ, വിവേക് ഷാന്‍ബാഗ്, ക്യാപ്റ്റന്‍ ജി.ആര്‍.ഗോപിനാഥ് എന്നിവര്‍ പങ്കെടുക്കും. മേളയില്‍ എട്ട് പുസ്തകങ്ങള്‍ പ്രകാശനം ചെയ്യും. റിവര്‍ ഓഫ് ലൈഫ്’ എന്ന ഡോക്യുമെന്ററി പ്രദര്‍ശനവും തുടര്‍ന്ന് പ്രശസ്ത വന്യജീവി സംരക്ഷകനായ സഞ്ജയ് ഗുബ്ബിയുമായുള്ള മുഖാമുഖവും മേളയുടെ ഭാഗമായി ഉണ്ടായിരിക്കും. 2 ദിവസവും വൈകിട്ട് വിവിധ കലാപരിപാടികളും അരങ്ങേറും.
SUMMARY: Mysore Literature Festival on July 4th and 5th
