ബെംഗളൂരു: മൈസൂരു മുദ്ര മലയാളവേദി മലയാളം മിഷൻ ക്ലാസുകളുടെ ആറാമത് ‘കണിക്കൊന്ന’ ബാച്ചിന്റെ പ്രവേശനോത്സവവും ബി.ആർ.ബി.എൻ.എം.പി.എൽ. സ്റ്റാഫ് റിക്രിയേഷൻ ക്ലബിൽ നടന്നു. പരിപാടിയിൽ ബലൂണുകളും വർണചിത്രങ്ങളും മധുര പലഹാരങ്ങളും നൽകി അധ്യാപകർ കുട്ടികളെ സ്വീകരിച്ചു. മലയാളം മിഷൻ കർണാടക ചാപ്റ്റർ വൈസ് പ്രസിഡന്റ് സുരേഷ് ബാബു പ്രവേശനോത്സവം ഉദ്ഘാടനം ചെയ്തു. മുദ്ര മലയാള വേദി പ്രസിഡന്റ് വിജിത്ത് വർഗീസ് അധ്യക്ഷത വഹിച്ചു.
പ്രവേശനോത്സവത്തിൽ മലയാളം മിഷൻ മൈസൂർ മേഖല കോഡിനേറ്റർ പ്രദീപ് മാരിയിൽ, കർണാടക ചാപ്റ്റർ അക്കാദമിക് കമ്മിറ്റി അംഗം ദേവി പ്രദീപ്, മുദ്ര മലയാളം വേദി കമ്മറ്റി അംഗവും മലയാളം അധ്യാപകനുമായ സിബി, മുദ്ര മലയാള വേദി സെക്രട്ടറി വി.ടി. രാജേഷ് എന്നിവർ സംസാരിച്ചു. ദിവ്യ ഗിരീഷ് ആദ്യ ക്ലാസ് എടുത്തു.
മുദ്ര മലയാള വേദിയിലെ അധ്യാപികമാരായ ഹർഷ, അനിത, ദിവ്യ, ജിഷ്ണ എന്നിവരെയും മലയാളം മിഷൻ മൈസൂർ മേഖലാ കമ്മിറ്റി അംഗം സുചിത്ര പ്രേമിനേയും വനിതാദിനത്തിന്റെ ഭാഗമായി ആദരിച്ചു. പഠനോത്സവത്തിൽ പങ്കെടുത്ത വിദ്യാർഥികൾക്ക് പുസ്തകവും പഠന സാമഗ്രികളും വിതരണം ചെയ്തു. ഷമീർ, നിചിത് എന്നീ അധ്യാപകരും മുദ്ര മലയാള വേദി കമ്മിറ്റി അംഗങ്ങളും പ്രവേശനോത്സവത്തിന് നേതൃത്വം നൽകി.
SUMMARY: Mysore Mudra Malayalam Vedi Malayalam Mission Praveshanosthvam
