ബെംഗളൂരു: കേരള സര്ക്കാര് സ്ഥാപനമായ നോര്ക്ക റൂട്ട്സ് ലോകത്തെമ്പാടുമുള്ള പ്രവാസി കേരളീയര്ക്കായി ഏര്പ്പെടുത്തിയിരിക്കുന്ന വിവിധ ഐഡി കാര്ഡുകളുടെ സേവനങ്ങള് സംബന്ധിച്ച പ്രചരണ പരിപാടികള്ക്ക് തുടക്കമായി. ഈ മാസം 31 വരെയാണ് പ്രത്യേകം പ്രചരണ മാസാചരണം സംഘടിപ്പിക്കുന്നത്.
എന് ആര് കെ ഐഡി കാര്ഡ്, ഗുരുതര രോഗങ്ങള്ക്കുള്ള ആരോഗ്യ ഇന്ഷുറന്സ് പദ്ധതിയായ നോര്ക്ക പ്രവാസി രക്ഷ ഇന്ഷുറന്സ്, വിദേശ കേരളീയര്ക്കായുള്ള പ്രവാസി ഐഡി കാര്ഡ്, സ്റ്റുഡന്റ് ഐഡി കാര്ഡ് എന്നീ സേവനങ്ങള് സംബന്ധിച്ച് അവബോധം സൃഷ്ടിക്കാനാണ് മാസാചരണം. ഐഡി കാര്ഡ് എടുത്തവര്ക്കുള്ള സംശയങ്ങള് ദൂരീകരിക്കാനും പുതുക്കാന് വൈകിയവര്ക്ക് കാര്ഡ് പുതുക്കാനും ഈ കാലയളവ് പ്രയോജനപ്പെടുത്താവുന്നതാണ്.ലോകത്തെമ്പാടുമുള്ള കേരളീയരായ പ്രവാസികളെ കണ്ടത്താനും ആവശ്യമായ ഘട്ടങ്ങളില് ഇടപെടാനും ഐഡി കാര്ഡ് സേവനങ്ങള് സഹായകരമാണ്.
ഇന്ത്യയിലെ മറ്റു സംസ്ഥാനങ്ങളില് രണ്ടു വര്ഷമായി താമസിച്ച് / ജോലി ചെയ്തു വരുന്ന 18 നും 70 നും ഇടയില് പ്രായമുള്ള പ്രവാസികള്ക്ക് എന്ആര് കെ ഐഡി കാര്ഡിന് അപേക്ഷിക്കാവുന്നതാണ്. 408 രൂപയുടെ ഒറ്റ തവണ പ്രീമിയത്തിലൂടെ അപകട മരണങ്ങള്ക്ക്5 ലക്ഷം രൂപയുടെയും അംഗവൈകല്യങ്ങള്ക്ക് 2 ലക്ഷം രൂപ വരെയും ഇന്ഷുറന്സ് പരിരക്ഷ ലഭിക്കും. കൂടാതെ 18 നും 60 നും ഇടയില് പ്രായമുള്ളവര്ക്ക് നോര്ക്ക പ്രവാസി രക്ഷ ഇന്ഷുറന്സ് പദ്ധതിയില് അംഗംമാകാവുന്നതുമാണ്. 661 രൂപയുടെ ഒറ്റ തവണ പ്രീമിയത്തിലൂടെ ഗുരുതരമായ രോഗങ്ങള്ക്ക് 1 ലക്ഷം രൂപ വരെയും അപകടമരണത്തിന് 3 ലക്ഷം രൂപയുടെയും അംഗ വൈകല്യങ്ങള്ക്ക് 1 ലക്ഷം രൂപ വരെയും ഇന്ഷുറന്സ് പരിരക്ഷലഭിക്കുന്നതാണ്.എന് ആര് കെ ഐഡി കാര്ഡുകള്ക്ക് 3 വര്ഷവും നോര്ക്ക പ്രവാസി രക്ഷ ഇന്ഷുറന്സിന് 1 വര്ഷവുമാണ് കാലവധി.
കര്ണാടകയില് താമസിച്ചു വരുന്ന പ്രവാസി മലയാളികള്ക്ക് www norkaroots.kerala.gov.in എന്ന വെബ് സൈറ്റില് ഓണ്ലൈനിലൂടെയോ , മലയാളി സംഘടനകള് മുഖാന്തരമോ നോര്ക്ക ഇ ന്ഷുറന്സ് പദ്ധതി കളില് ചേരാവുന്നതാണ്. കൂടുല് വിവരങ്ങള്ക്ക് ബെംഗളൂരു നോര്ക്ക ഓഫീസ് 080- 25585090 എന്ന ഫോണ് നമ്പറിലോ , 24 മണിക്കുറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്റ്റ് സെന്ററിന്റെ ടോള് ഫ്രീ നമ്പറിലോ1800 425 3939 ബന്ധപ്പെടാവുന്നതാണ്.
SUMMARY: Norka Roots Campaign
