ഇടുക്കി കുമളി അതിർത്തി ചെക്ക്പോസ്റ്റിന് സമീപം നിർ‌ത്തിയട്ട ലോറിക്ക് മുകളിലേക്ക് വൻമരം വീണ് ഒരാള്‍ക്ക് ദാരുണാന്ത്യം. ചങ്ങനാശേരി സ്വദേശി ശ്രീജിത്ത് (19) ആണ് മരിച്ചത്. ഒരാളെ നിസാര പരുക്കുകളോടെ ആശുപത്രിയില്‍ പ്രവേശിപ്പിച്ചു. അപകടത്തെ തുടർന്ന് പ്രദേശത്തെ ഗതാഗതം തടസപ്പെട്ടു.
ഒരു മണിക്കൂറിലധികം നീണ്ട പ്രയത്നത്തിലൊടുവില്‍ ചില്ലകള്‍ വെട്ടിമാറ്റിയാണ് വാഹനത്തില്‍ നിന്നും ശ്രീജിത്തിനെ പുറത്തെടുത്തത്. ഉടൻ തന്നെ തമിഴ്നാട് മെഡിക്കല്‍ കോളെജിലെത്തിച്ചെങ്കിലും ജീവൻ രക്ഷിക്കാനായില്ല.
TAGS : LATEST NEWS
SUMMARY : One dead after tree falls on parked lorry
