ബെംഗളൂരു: ഇന്ത്യൻ പ്രതിരോധ വകുപ്പിനു കീഴിലുള്ള നവരത്ന പൊതുമേഖലാ സ്ഥാപനമായ ഭാരത് ഇലക്ട്രോണിക്സ് ലിമിറ്റഡിൽ (BEL) എൻജിനീയറാകാൻ സുവ‍‍‌ർണാവസരം. ഫീൽഡ് ഓപ്പറേറ്റർ എൻജിനീയർ, പ്രൊജക്റ്റ് എൻജിനീയർ തസ്തികയിലേക്കാണ് ഉദ്യാോഗാ‌ർത്ഥികളെ ക്ഷണിച്ചിരിക്കുന്നത്. ഒഴിവുകളിലേക്ക് ജൂൺ 8 വരെ ഓൺലൈനായി റജിസ്റ്റർ ചെയ്യാം.
ഫീൽഡ് ഓപ്പറേറ്റർ എൻജിനീയർ: 25 ഒഴിവുകളാണുള്ളത്. ഇലക്ട്രോണിക്സ്/ ഇലക്ട്രോണിക്സ് ആൻഡ് കമ്മ്യൂണിക്കേഷൻ/ ഇലക്ട്രോണിക്സ് ആൻഡ് ടെലികമ്മ്യൂണിക്കേഷൻ/ ഇലക്ട്രോണിക്സ് ആൻഡ് ഇൻസ്ട്രുമെന്റേഷൻ/ കമ്മ്യൂണിക്കേഷൻ/ ടെലികമ്മ്യൂണിക്കേഷൻ / കംപ്യൂട്ടർ സയൻസ്/ ഐടി/ ഇൻഫർമേഷൻ സയൻസ് ആൻഡ് എൻജിനിയറിങ്/ തത്തുല്യം ബ്രാഞ്ചുകളിൽ ബിടെക് ബിരുദമുള്ളവർക്കും എംസിഎ യോഗ്യതയുള്ളവ‍ർക്കും അപേക്ഷിക്കാം. ഇതിനോടൊപ്പം അഞ്ച് വർഷത്തെ പ്രവൃത്തിപരിചയവും ഉണ്ടായിരിക്കണം. പ്രതിമാസം 60,000 രൂപ മുതൽ ശമ്പളമായി ലഭിക്കും. ഓരോ വർഷവും 5,000 രൂപയുടെ വർദ്ധനവ് ഉണ്ടാകും. 01-6-2026 തീയതി കണക്കാക്കി 40 വയസ് കവിയാൻ പാടില്ല.
പ്രൊജക്റ്റ് എൻജിനീയർ ഒഴിവുകൾ 31. മുകളിൽ ഫീൽഡ് ഓപ്പറേഷൻ എൻജിനീയറുടെ തസ്തികക്ക് പറഞ്ഞ വിദ്യാഭ്യാസ യോഗ്യത തന്നെയാണ് ഇവിടെയും ബാധകം. എന്നാൽ എംസിഎ ബിരുദം പരിഗണിക്കുന്നില്ല. പ്രവൃത്തിപരിചയം രണ്ടു വർഷം. ഉയർന്ന പ്രായപരിധിയിലെ ഇളവ് മുകളിലേതിന് തുല്യം. ശമ്പളം 40,000 രൂപ. ഓരോ വർഷവും 5,000 രൂപയുടെ വർദ്ധനവ് പ്രതീക്ഷിക്കാം.
മൂന്നുവർഷത്തേക്കാണ് നിയമനമെങ്കിലും ജോലിയിലെ മികവിന്റെ അടിസ്ഥാനത്തിൽ രണ്ട് വർഷം കൂടി സേവന കാലം ദീർഘിപ്പിച്ച് ലഭിക്കുന്നതാണ്. അപേക്ഷയോടൊപ്പം ഫീസായി 450 രൂപ കൂടി ഓൺലൈനായി അടയ്ക്കേണ്ടതുണ്ട്. https:/bel-india.in/careers എന്ന വെബ്സൈറ്റിൽ പ്രവേശിച്ച് വിവരങ്ങൾ മനസിലാക്കാവുന്നതാണ്. ഫോൺ: 080/22197933 ഇമെയിൽ: rechr4042@bel.co.in.
