കോഴിക്കോട്: കോഴിക്കോട് വിലങ്ങാട് വാളൂക്ക് വനമേഖലയിൽ കുടുങ്ങിയ യുവാക്കളെ കണ്ടെത്തി. വനത്തിൽ അകപ്പെട്ട മൂന്ന് യുവാക്കളെയാണ് പോലീസ് തിരച്ചിലിൽ കണ്ടെത്തിയത്. വാളുക്ക് അത്തായ കൊത്ത് എന്ന സ്ഥലത്ത് നിന്നാണ് വനം വകുപ്പ് സംഘം മൂന്ന് പേരെയും കണ്ടെത്തിയത്. വനത്തിൽനിന്നും വെളിച്ചവും ശബ്ദവും കേൾക്കുന്നതായി നാട്ടുകാർ പറഞ്ഞിരുന്നു.
വയനാട് മലനിരകളോട് ചേർന്നുനിൽക്കുന്ന വനമേഖലയാണിത്. കുടുങ്ങിയത് മൂന്നുപേരാണെന്നും രണ്ട് ബൈക്കുകളിലായാണ് ഇവർ എത്തിയതെന്നും നാട്ടുകാർ പറഞ്ഞു. വനംവകുപ്പ് മൂന്ന് സംഘങ്ങളായി നടത്തിയ തിരച്ചിലിലാണ് ഇവരെ കണ്ടെത്തിയത്. വടകര ചോറോട് സ്വദേശികളാണെന്നാണ് മൂവരുമെന്നാണ് സൂചന. ഇവരെ പുറത്ത് എത്തിച്ച് വിശദമായി ചോദ്യം ചെയ്യുമെന്ന് അധികൃതർ പറഞ്ഞു.
SUMMARY: People trapped in Vilangad forest found
