തിരുവനന്തപുരം: മഹിള അസോസിയേഷൻ സംസ്ഥാന കമ്മിറ്റിയില് നിന്നും പി.പി. ദിവ്യയെ ഒഴിവാക്കി. മഹിളാ അസോസിയേഷൻ സംസ്ഥാന ജോയിൻ്റ് സെക്രട്ടറിയായിരുന്നു പി.പി. ദിവ്യ. മഹിളാ അസോസിയേഷൻ സംസ്ഥാന സമ്മേളനമാണ് നടപടി സ്വീകരിച്ചത്. പി.പി. ദിവ്യയെ ഒഴിവാക്കിയതിന് പിന്നില് സിപിഐഎം നേതൃത്വത്തിന്റെ ഇടപെടലാണെന്നാണ് സൂചന.
പി.പി. ദിവ്യക്കെതിരെ പുതിയ ചില പരാതികള് സിപിഐഎം നേതൃത്വത്തിന് ലഭിച്ചിരുന്നെന്നും റിപ്പോർട്ടുകളുണ്ട്. സംസ്ഥാന സമ്മേളനത്തില് സെക്രട്ടറിയേയും പ്രസിഡൻ്റിനേയും തിരഞ്ഞെടുത്തു. സംസ്ഥാന സെക്രട്ടറി സ്ഥാനത്ത് സി.എസ്. സുജാത തന്നെ തുടരും. കെ.എസ്. സലീഖയാണ് പ്രസിഡൻ്റ് സ്ഥാനത്തേക്ക് തിരഞ്ഞെടുക്കപ്പെട്ടത്. ഇ. പത്മാവതിയെ ട്രഷററായും തിരഞ്ഞെടുത്തു. 116 അംഗ സംസ്ഥാന കമ്മിറ്റിയെയും തിരഞ്ഞെടുത്തിട്ടുണ്ട്.
SUMMARY: PP Divya removed from Democratic Women’s Association state committee
