മൈസൂർ: മൈസൂരുവിൽ ഗ്യാസ് സിലിണ്ടര് പൊട്ടിത്തെറിച്ച് പബ്ബില് തീപിടുത്തം. തീപിടിത്തത്തില് രണ്ട് ജീവനക്കാര് മരിച്ചു. അഞ്ച് പേർക്ക് പരുക്കേറ്റു. ആർടി നഗർ ദത്തഗള്ളിയിലെ പ്രശസ്തമായ ഫോക്സ് ഡെൻ ലിഖർ ഗാരേജ് എന്ന പബ്ബിലാണ് തീപിടിത്തം ഉണ്ടായത്. അടുക്കളയിലെ ഗ്യാസ് സിലിണ്ടർ പൊട്ടിത്തെറിച്ച് പബ്ബിനകത്ത് തീപടരുകയായിരുന്നു.
അപകടത്തില് ഡാർജിലിംഗ് സ്വദേശി സഹീൻ, നേപ്പാള് സ്വദേശി പ്രകാശ് എന്നിവരാണ് മരിച്ചത്. പബ്ബിലെ ജീവനക്കാരാണ് ഇരുവരും. പരുക്കേറ്റ അഞ്ചുപേരെ ആശുപത്രിയിലേക്ക് മാറ്റി. തീപിടിത്തത്തിന് പിന്നാലെ രണ്ടാം നിലയില് നിന്ന് ജനല് വഴിയും ആളുകള് താഴേക്ക് ചാടിയിരുന്നു. ഫയർ ആന്റ് റെസ്ക്യൂ ഉദ്യോഗസ്ഥരെത്തിയാണ് തീയണച്ചത്.
SUMMARY: Pub fire breaks out after gas cylinder explodes in kitchen; 2 employees die
