കൊല്ലം: റെയിൽവേ ഗതാഗതത്തെ പ്രതിസന്ധിയിലാക്കിക്കൊണ്ട് കൊല്ലം റെയിൽവേ സ്റ്റേഷനിൽ സിഗ്നൽ സംവിധാനം നിലച്ചു. സിഗ്നൽ ട്രെയിനുകൾ വിവിധയിടങ്ങളിൽ കുടുങ്ങിക്കിടക്കുകയാണ്. സിഗ്നൽ തകരാർ ഏറ്റവും കൂടുതൽ ബാധിക്കപ്പെട്ടത് ബെംഗളൂരു – തിരുവനന്തപുരം നോർത്ത് സ്പെഷ്യൽ എക്സ്പ്രസ് (06547) ആണ്. ഉച്ചയ്ക്ക് 11.42ന് കൊല്ലത്ത് നിന്നും പുറപ്പെടേണ്ട ട്രെയിൻ മൂന്ന് മണിക്കാണ് കൊല്ലത്തുനിന്നും എടുത്തത്. സിഗ്നൽ നിലച്ചതിനാൽ മറ്റ് ട്രയിനുകളേയും ഇത് ബാധിക്കാൻ സാധ്യതയുണ്ട്. ഏകദേശം 3 മണിക്കൂർ നേരം ട്രെയിൻ കൊല്ലം സ്റ്റേഷനിൽ തന്നെ പിടിച്ചിട്ടു. കൊടുംചൂടിലും യാതൊരു മുന്നറിയിപ്പുമില്ലാതെ ട്രെയിനുകൾ വൈകുന്നത് യാത്രക്കാരെ കടുത്ത ദുരിതത്തിലാക്കിയിരിക്കുകയാണ്. ബെംഗളൂരുവിൽ നിന്നും മറ്റും എത്തുന്ന ദീർഘദൂര യാത്രക്കാരാണ് ഏറെയും ബുദ്ധിമുട്ടുന്നത്.
നിലവിൽ റെയിൽവേ അധികൃതർ തകരാർ പരിശോധിക്കുന്നു. രണ്ട് മണിക്കൂറിലധികമായി പിടിച്ചിട്ടിരുന്ന ബെംഗളൂരു – തിരുവനന്തപുരം സ്പെഷ്യൽ ട്രെയിൻ ഇപ്പോൾ പുറപ്പെട്ടു. റെഗുലർ ട്രെയിനുകൾ കടത്തിവിടുന്നു സ്പെഷ്യൽ ട്രെയിനുകൾക്കാണ് നിലവിൽ കാലതാമസം.
SUMMARY: Railway signal down in Kollam; trains held up for over 2 hours
