കൊൽക്കത്ത: തിങ്കള്, ചൊവ്വ ദിവസങ്ങളില് നടത്താനിരുന്ന എസ്ബിഐ പണിമുടക്ക് മാറ്റിവച്ചു. ജീവനക്കാരുമായി മാനേജ്മെന്റ് നടത്തിയ ചര്ച്ചയിലാണ് തീരുമാനമായത്.സ്ഥിരംനിയമനങ്ങൾ നടത്തുക, ജോലിസമ്മർദം കുറയ്ക്കുക, പുറംകരാർ അവസാനിപ്പിക്കുക, ജീവനക്കാരുടെ മാനസികാരോഗ്യം സംരക്ഷിക്കുക, പൊതുമേഖലാ ബാങ്കുകളുടെ സാമൂഹിക ഉത്തരവാദിത്വം നിലനിർത്തുക എന്നീ ആവശ്യങ്ങൾ ഉന്നയിച്ചായിച്ചായിരുന്നു പണിമുടക്ക് പ്രഖ്യാപിച്ചിരുന്നത്.
ശനിയും ഞായറും അവധിയും തിങ്കളും ചൊവ്വയും പണിമുടക്കും ബുധനാഴ്ച ബക്രീദ് അവധി കൂടി വരുമ്പോള് അഞ്ചു ദിവസം ബാങ്കിങ് ഇടപാടുകള് മുടങ്ങിയേക്കുമെന്ന തരത്തിലായിരുന്നു നേരത്തേ സൂചനകള് വന്നത്. ചര്ച്ചയില് തീരുമാനമായതോടെ ഉപഭോക്താക്കള്ക്ക് വലിയ ആശ്വാസമാണ് ഇതോടെ വരുന്നത്. പൊതുജനത്തിന് വലിയ ആശ്വാസമാകുന്ന തീരുമാനമാണ് മാനേജ്മെന്റും ജീവനക്കാരുമായി നടത്തിയ ചര്ച്ചയിലൂടെ കൈവന്നത്. ജീവനക്കാര് ഉന്നയിച്ച ആവശ്യങ്ങള് അനുഭാവപൂര്വം പരിഗണിക്കാമെന്ന് മാനേജ്മെന്റ് നല്കിയ ഉറപ്പിന്മേലാണ് പണിമുടക്ക് മാറ്റിയത്.
SUMMARY: SBI employees’ strike postponed; branches to remain open on 25th and 26th
