കൊച്ചി: ലൈംഗികാതിക്രമക്കേസില് പ്രതിയായ സംവിധായകൻ രഞ്ജിത് ജാമ്യവ്യവസ്ഥകളില് ഇളവ് ആവശ്യപ്പെട്ട് എറണാകുളം ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയില് ഹർജി നല്കി. കേസില് ജാമ്യം അനുവദിച്ചപ്പോള് കോടതി മുന്നോട്ടുവെച്ച പ്രധാന ഉപാധികളിലൊന്നായ ‘എറണാകുളം ജില്ല വിട്ടുപോകരുത്’ എന്ന വ്യവസ്ഥയില് ഇളവ് വേണമെന്നാണ് രഞ്ജിത്തിന്റെ ആവശ്യം.
തന്റെ ചികിത്സയുമായി ബന്ധപ്പെട്ട ആവശ്യങ്ങള്ക്കായി ജില്ലയ്ക്ക് പുറത്തേക്ക് യാത്ര ചെയ്യേണ്ടതുണ്ടെന്ന് ചൂണ്ടിക്കാണിച്ചാണ് അദ്ദേഹം കോടതിയെ സമീപിച്ചിരിക്കുന്നത്. യുവനടിയുടെ പരാതിയില് രജിസ്റ്റർ ചെയ്ത കേസില് കർശനമായ വ്യവസ്ഥകളോടെയാണ് നേരത്തെ കോടതി രഞ്ജിത്തിന് ജാമ്യം അനുവദിച്ചിരുന്നത്. സംവിധായകന്റെ അപേക്ഷയില് കോടതി പോലീസിനോട് മറുപടി തേടിയിട്ടുണ്ട്. പോലീസിന്റെ വിശദീകരണം കൂടി പരിഗണിച്ച ശേഷമായിരിക്കും കോടതി ഈ കാര്യത്തില് അന്തിമ തീരുമാനമെടുക്കുക.
SUMMARY: Sexual assault case: Director Ranjith seeks relaxation in bail conditions
