തിരുവനന്തപുരം: നിര്ബന്ധിത ഗര്ഭഛിദ്രമടക്കമുള്ള ലൈംഗിക പീഡനക്കേസില് കേസിൽ പ്രതിയായ പാലക്കാട് എംഎൽഎ രാഹുൽ മാങ്കൂട്ടത്തിലിനായുള്ള അന്വേഷണം പോലീസ് ഊർജിതമാക്കി. രാഹുൽ കേരളം വിട്ടതായാണ് സൂചന. പ്രത്യേക അന്വേഷണ സംഘത്തെ രൂപീകരിച്ചാണ് അന്വേഷണം പുരോഗമിക്കുന്നത്. ബലാത്സംഗം, നിർബന്ധിച്ച് ഗർഭഛിദ്രം നടത്തി എന്നടക്കമുള്ള ഗുരുതര വകുപ്പുകളാണ് എംഎൽഎയ്ക്കെതിരെ ചുമത്തിയിരിക്കുന്നത്. ബിഎന്എസ് 89 വകുപ്പ് പ്രകാരം 10 വര്ഷം മുതല് ജീവപര്യന്തം വരെ തടവുശിക്ഷ കിട്ടാവുന്ന കുറ്റമാണ് നിര്ബന്ധിത ഭ്രൂണഹത്യ. രാഹുലിനായി വിമാനത്താവളങ്ങളിലടക്കം ലുക്ക്ഔട്ട് നോട്ടീസ് പോലീസ് പുറപ്പെടുവിച്ചിരിക്കുകയാണ്. രാഹുൽ തമിഴ്നാട്ടിലേക്ക് കടന്നുവെന്നും സൂചനയുണ്ട്.
അതേസമയം തിരുവനന്തപുരം ജില്ലാ കോടതിയിലാണ് മുൻകൂർ ജാമ്യാപേക്ഷ നല്കിയിരിക്കുന്നത്. ജാമ്യാപേക്ഷ തിങ്കളാഴ്ച പരിഗണിക്കും. ഹര്ജിയില് രാഹുല് മാങ്കൂട്ടത്തില് പറയുന്നത് പരാതി നല്കിയ യുവതിയുമായി ദീര്ഘകാലമായി സൗഹൃദ ബന്ധമുണ്ടെന്നാണ്. എന്നാല് പീഡനാരോപണം രാഹുല് നിഷേധിക്കുകയാണ്. ബലാത്സംഗം ചെയ്യുകയോ ഗർഭഛിദ്രത്തിന് നിര്ബന്ധിക്കുകയോ ചെയ്തിട്ടില്ലെന്ന് ഹര്ജിയില് പറയുന്നു. കൂടാതെ യുവതിയുടെ ആരോപണങ്ങൾ കെട്ടിച്ചമച്ചതാണെന്നും അന്വേഷണവുമായി സഹകരിക്കും അത് നേരത്തെ പറഞ്ഞിട്ടുള്ളതാണെന്നും ഹർജിയില് പറയുന്നു. കൂടാതെ പോലീസിന്റെ അതിവേഗ നീക്കത്തിന് പിന്നില് രാഷ്ട്രീയ നീക്കമുണ്ടെന്നും രാഹുലിന്റെ ഹര്ജിയിലുണ്ട്.
SUMMARY: Sexual harassment case: Police intensify investigation into MLA Rahul Mangkootatil
