കോഴിക്കോട്: താമരശേരി ഷഹബാസ് കൊലക്കേസില് ഉടൻ കുറ്റപത്രം സമർപ്പിക്കാൻ അന്വേഷണ സംഘം. മെയ് പകുതിയോടെ കോഴിക്കോട് ജുവനൈല് ജസ്റ്റിസ് ബോർഡിന് മുമ്പാകെ കുറ്റപത്രം സമർപ്പിക്കും.
നിലവില് ആറ് വിദ്യാർഥികളാണ് കുറ്റാരോപിതരായി വെള്ളിമാടുകുന്നിലെ ഒബ്സർവേഷൻ ഹോമില് കഴിയുന്നത്. കൂടുതല് വിദ്യാർഥികളെ പ്രതികളെ ചേർക്കാൻ കഴിയുമോ എന്നതില് പോലീസ് നിയമോപദേശം തേടും.
അക്രമം നടത്താൻ ആഹ്വാനം നടത്തിയവരില് കൂടുതല് കുട്ടികള് ഉള്പ്പെട്ടിട്ടുണ്ടെന്ന് കണ്ടെത്തിയിരുന്നു. ഇതിനെ തുടർന്നാണ് നിയമോപദേശം തേടാനുള്ള നീക്കം. കൊലപാതകത്തില് മുതിർന്നവരുടെ പങ്കിന് തെളിവ് ലഭിച്ചിട്ടില്ലെന്നും അന്വേഷണ സംഘം അറിയിച്ചു. കേസില് കുറ്റാരോപിതരായ ആറ് വിദ്യാർഥികള് നിലവില് വെള്ളിമാടുകുന്ന് ഒബ്സർവേഷൻ ഹോമിലാണ്.
ഇവരുടെ ജാമ്യാപേക്ഷ നെരത്തെ കോഴിക്കോട് പ്രിൻസിപ്പല് സെഷൻസ് കോടതി തള്ളിയിരുന്നു. താമരശേരിയില് ഷഹബാസ് ഉള്പ്പെടുന്ന എംജെ ഹയർ സെക്കൻഡറി സ്കൂളിലെ വിദ്യാർഥികളും താമരശേരി കോരങ്ങാട് ഹയർ സെക്കൻഡറി സ്കൂളിലെ വിദ്യാർത്ഥികളും തമ്മില് ട്യൂഷൻ സെന്ററിലെ കലാപരിപാടിയെ ചൊല്ലി സംഘര്ഷം ഉണ്ടായിരുന്നു.
സംഘർഷത്തെ തുടര്ന്ന് വിദ്യാര്ത്ഥികള് ഷഹബാസിനെ ക്രൂരമായി മര്ദിച്ചു. നഞ്ചക്ക് കൊണ്ട് തലയ്ക്ക് അടിയേറ്റ ഷഹബാസ് വീട്ടിലെത്തി ബോധരഹിതനാവുകയായിരുന്നു. രക്ഷിതാക്കള് ആദ്യം താമരശേരിയിലെ ആശുപത്രിയിലും പിന്നീട് കോഴിക്കോട് മെഡിക്കല് കോളേജിലും പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
TAGS : SHAHABAS MURDER
SUMMARY : Shahbaz murder case: Police say parents of six accused students had no role in the crime
